IIT बॉम्बेचे नाव बदलणार, मुख्यमंत्री देवेंद्र फडणवीस यांचे मोठे विधान, जाणून घ्या काय म्हणाले?

IIT Bombay Name Change: महाराष्ट्राचे मुख्यमंत्री देवेंद्र फडणवीस यांनी IIT बॉम्बेचे नाव बदलून IIT मुंबई करण्याची मागणी केली आहे. ते लवकरच याबाबत पंतप्रधान मोदींना पत्र लिहिणार आहेत.

 

• ‘बॉम्बे’ हद्दपार होणार!
• IIT बॉम्बेचे नाव बदलून ‘IIT मुंबई’ करण्याची मुख्यमंत्र्यांची मागणी
• पंतप्रधान मोदींना लिहिणार पत्र

CM Devendra Fadnavis On IIT Bombay Name Change: देशातील प्रतिष्ठित अभियांत्रिकी संस्थांपैकी एक असलेल्या आयआयटी बॉम्बे (IIT Bombay) चे नाव आता बदलणार आहे. मुख्यमंत्री देवेंद्र फडणवीस (CM Devendra Fadnaivs) यांनी यासंदर्भात मोठे विधान केले आहे. त्यांनी जाहीर केले की, आयआयटी बॉम्बेचे नाव बदलून ‘आयआयटी मुंबई’ (IIT Mumbai) करण्यात यावे. या मागणीसाठी आपण लवकरच पंतप्रधान नरेंद्र मोदी आणि केंद्रीय मनुष्यबळ विकास मंत्री यांना विनंती पत्र (Request Letter) लिहिणार असल्याचे मुख्यमंत्र्यांनी सांगितले. महाराष्ट्रात स्थानिक स्वराज्य संस्थांच्या निवडणुकांची रणधुमाळी सुरू असताना फडणवीस यांचे हे विधान आले आहे.

“बॉम्बेचा नामोनिशान मिटायला हवा”

देवेंद्र फडणवीस यांनी आपल्या विधानामध्ये नाव बदलण्याची गरज स्पष्ट केली. ते म्हणाले, “आमच्यासाठी बॉम्बे नाही, तर मुंबई आहे. बॉम्बेचे मुंबई नामकरण करण्यात भाजप नेते रामाभाई नाईक यांचा मोठा वाटा आहे. त्यामुळे IIT बॉम्बेचे नाव IIT मुंबई केले पाहिजे.” बॉम्बेचा नामोनिशान मिटायला हवा. जिथे जिथे बॉम्बे आहे, तिथे तिथे मुंबई आले पाहिजे, असेही ते म्हणाले.

See more

“Will write letter to PM Modi, Union education Minister to change IIT Bombay’s name to IIT Mumbai.” – Maharashtra CM Devendra Fadnavis pic.twitter.com/Xfsyx5YC81 — News Arena India (@NewsArenaIndia) November 26, 2025

IIT बॉम्बेचा इतिहास

आयआयटी बॉम्बेची पायाभरणी १९५८ मध्ये भारताचे पहिले पंतप्रधान जवाहरलाल नेहरू यांनी केली होती.  १९६१ मध्ये संसदेने या संस्थेला राष्ट्रीय महत्त्वाच्या संस्थेचा (Institute of National Importance) दर्जा दिला. देशातील प्रतिष्ठित तांत्रिक महाविद्यालयांमध्ये याची गणना होते. महाराष्ट्र राज्याची राजधानी मुंबईलाही पूर्वी बॉम्बे याच नावाने ओळखले जात होते, परंतु ४ मार्च १९९५ रोजी महाराष्ट्र सरकारने त्याचे नाव अधिकृतपणे ‘मुंबई’ केले.

‘बॉम्बे’ शब्दाचा अर्थ काय?

बॉम्बे हा शब्द मूळतः पोर्तुगीजांकडून आला आहे. १६ व्या शतकात जेव्हा पोर्तुगीज भारतात आले, तेव्हा त्यांनी सात बेटांचा हा समूह पाहिला. येथे स्थानिक कोळी बांधव ‘मुंबा’ किंवा ‘महा-अंबा’ (मुंबादेवी) या देवीची पूजा करत असत. या ठिकाणी एक चांगली खाडी (Bay) देखील होती. पोर्तुगीज भाषेत “बॉम” (bom) चा अर्थ ‘चांगला’ आणि “बाहिया” (bahia) चा अर्थ ‘खाडी’ त्यामुळे पोर्तुगीजांनी या जागेला “Bombaim” किंवा “Bom Bahia” (अर्थात, ‘चांगली खाडी’) असे नाव दिले. कालांतराने त्याचे रूपांतर ‘बॉम्बे’मध्ये झाले. १९९५ मध्ये महाराष्ट्र सरकारने त्याचे नाव ‘मुंबई’ केले.