FSSAI परवाना नसल्याची कबुली, दोन रुग्णालयांतील कॅन्टीन बंद; रुग्णांच्या सुरक्षेवर प्रश्नचिन्ह

मुंबईतील महापालिका रुग्णालयांच्या कॅन्टीनच्या परवान्यांचा प्रश्न पुन्हा ऐरणीवर आला आहे. आवश्यक परवाने आणि कंत्राटांच्या मुद्द्यामुळे दोन रुग्णालयांतील कॅन्टीन सेवा बंद झाल्याने रुग्ण आणि नातेवाईकांची गैरसोय होत आहे.

सार्वजनिक रुग्णालयांमधील कॅन्टीनच्या परवान्ऱ्यांचा आणि कंत्राटांचा प्रश्न ऐरणीवर आला आहे. जोगेश्वरी येथील हिंदुहृदयसम्राट बाळासाहेब ठाकरे महापालिका ट्रॉमा केअर रुग्णालयातील कॅन्टीन परवान्यांअभावी बंद झाल्यानंतर आता घाटकोपरच्या राजावाडी रुग्णालयातील कॅन्टीनही बंद करण्यात आले आहे. त्यामुळे रुग्णालयातील रुग्ण, नातेवाईक आणि कर्मचाऱ्यांना चहा-नाश्ता तसेच जेवणासाठी रुग्णालयाबाहेर धाव घ्यावी लागत आहे.

Bhuleshwar Ganapati Incident: मुंबईत गणपती आगमन मिरवणुकीला गालबोट; ‘भुलेश्वरचा राजा’ची मूर्ती कोसळली, दोघांचा मृत्यू

एचबीटी ट्रॉमा केअर रुग्णालयातील कॅन्टीन चालविणाऱ्या केटरर्सने ३ ऑगस्ट रोजी वैद्यकीय अधीक्षकांना पत्र देऊन कॅन्टीन सेवा तत्काळ बंद करण्याचे कळविले, केटरर्सने एफएसएसएआय, आरोग्य आणि अग्निशमन विभागाचे वैध परवाने उपलब्ध नसल्याचे स्पष्टपणे सांगितले. आवश्यक वैधानिक परवान्यांअभावी कॅन्टीन सुरू ठेवणे कर्मचारी आणि ग्राहकांच्या सुरक्षिततेच्या दृष्टीने धोकादायक असल्याचेही चालकाने दिलेल्या म्हटले आहे.

खबरदारी म्हणून सेवा बंद केल्याची चर्चा

दरम्यान, संबंधित महापालिका विभागाकडून कॅन्टीनची पाहणी करून नोटीस बजावण्यात आल्याची माहिती आहे. त्यामुळे एफडीएच्या संभाव्य कारवाईच्या पार्श्वभूमीवर कॅन्टीन चालकाने खबरदारी म्हणून सेवा बंद केल्याची चर्चा आहे. महापालिकेकडून या कॅन्टीनची तपासणी केली असल्याची माहिती मिळत आहे, तर ट्रॉमा केअर रुग्णालयातील कॅन्टीनकडून मे महिन्यात आवश्यक अनुपालन करण्यात आले आहे. सध्या कोणतीही बाब प्रलंबित नसल्याचे एका एफडीए अधिकाऱ्याने सांगितले.

मोठी बातमी ! बोगस लाडक्या बहिणींचा 9605 कोटींवर डल्ला; राज्य सरकार आता ‘त्या’ महिलांकडून पैसे करणार वसूल?

रुग्ण आणि त्यांच्या नातेवाईकांची गैरसोय

राजावाडी रुग्णालयातील कॅन्टीनही बंद झाले आहे. येथे कॅन्टीन चालकाचा करार संपल्याने सेवा थांबविण्यात आल्याचे रुग्णालय प्रशासनाने स्पष्ट केले आहे. नवीन निविदा काढून कंत्राटदार नियुक्त होईपर्यंत कॅन्टीन बंद राहणार आहे. त्यामुळे दोन्ही रुग्णालयांतील कॅन्टीन बंद पडल्याने रुग्ण आणि त्यांच्या नातेवाईकांची गैरसोय वाढली आहे. या घटनांमुळे महापालिका रुग्णालयांतील कॅन्टीनसाठी अन्नसुरक्षा परवाने, इतर वैधानिक मंजुरी आणि कंत्राटांची नियमित तपासणी होते का, असा सवाल उपस्थित झाला आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)