वांद्रे रेल्वे स्थानकावरील अतिक्रमणांवर रेल्वेचा हातोडा
रेल्वे मार्गालगत वाढणारी अतिक्रमणे आणि परिसरात साचणारा कचरा यामुळे रेल्वे वाहतुकीच्या सुरक्षिततेवर परिणाम होण्याची शक्यता असल्याने ही कारवाई आवश्यक असल्याचे अधिकाऱ्यांनी सांगितले. या कारवाईसाठी पाच जेसीबी, दोन ट्रक आणि सुमारे 38 कामगारांची मदत घेण्यात आली. तसेच रेल्वेच्या विविध विभागांतील अधिकाऱ्यांची उपस्थिती होती. पाडकामानंतर निर्माण झालेला मलबा रेल्वे हद्दीबाहेर हलविण्यात आला. कारवाईदरम्यान कोणतीही कायदा-सुव्यवस्थेची समस्या निर्माण होऊ नये यासाठी मोठा पोलिस बंदोबस्त ठेवण्यात आला होता. तसेच आपत्कालीन परिस्थितीचा विचार करून वैद्यकीय पथकासह एक रुग्णवाहिकाही घटनास्थळी तैनात होती.
जुनी वाहनं वापरणं आता महाग होणार; वाहनांवर दुपटीने केली गेली करवाढ
रेल्वे प्रशासनाच्या माहितीनुसार, वांद्रे परिसरात नव्याने होणारी अतिक्रमणे रोखण्यासाठी नियमित पाहणी केली जाणार आहे. अनधिकृत झोपड्या किंवा बांधकामे आढळल्यास तात्काळ पाडकामाची कारवाई केली जाईल. तसेच रेल्वे रुळांलगत कचरा साचू नये यासाठी स्थानिक महानगरपालिका आणि पोलिसांशी समन्वय ठेवून उपाययोजना केल्या जात आहेत. रेल्वेची जमीन अतिक्रमणमुक्त ठेवण्यासाठी आणि प्रवाशांच्या सुरक्षिततेसाठी अशा कारवाया पुढेही सातत्याने सुरू राहणार असल्याचे रेल्वे प्रशासनाने स्पष्ट केले.
विदेशी पर्यटकांनी वांद्रे रेल्वे स्थानक परिसरातील परिस्थितीचे व्हिडिओ सोशल मीडियावर शेअर केले होते. या व्हिडिओमध्ये रुळांजवळ साचलेला कचरा, रेल्वे रुळांच्या अगदी जवळ उभारलेल्या झोपड्यांची दृश्ये दिसत होती. एका पर्यटकाने व्हिडिओमध्ये “हे रेल्वे स्टेशन आहे की कचराकुंडी..? असा प्रश्न उपस्थित करत परिसरातील स्वच्छतेबाबत आश्चर्य व्यक्त केले होते. हे व्हिडिओ सोशल मीडियावर मोठ्या प्रमाणात व्हायरल झाल्यानंतर या मुद्द्यावर चर्चा सुरू झाली.
.png "Videos"){kind=small}
