Railway Accident News: मुंब्रा रेल्वे अपघाताबाबत रेल्वे प्रशासनाचा घोर निष्काळजीपणा, रोहिदास मुंडे यांचा गंभीर आरोप

Rohidas Munde on Railway Accident: कसाऱ्याहून मुंबईकडे जाणाऱ्या रेल्वेचा मुंब्रा ते दिवा स्थानकादरम्यान मोठा अपघात झाला आहे. या अपघातानंतर सर्वत्र भागातून संतप्त प्रतिक्रिया येत आहे.

Rohidas Munde on Mumbai Local In Marathi: ठाणे जिल्ह्यात एक दुर्दैवी रेल्वे अपघात उघडकीस आला असून सोमवारी सकाळी (9 जून) मुंब्रा रेल्वे स्थानकावर गर्दीमुळे अनेक प्रवासी चालत्या लोकल ट्रेनमधून पडून 4 जणांचा मृत्यू झाला. या अपघातात अनेक प्रवासी गंभीर जखमी झाले आहेत. रेल्वेने जारी केलेल्या निवेदनात म्हटले आहे की, ट्रेनमध्ये जास्त गर्दी असल्याने हा अपघात झाला. छत्रपती शिवाजी महाराज टर्मिनस (CSMT) कडे जाणाऱ्या लोकल ट्रेनमध्ये प्रवास करणारे काही प्रवासी मुंब्रा स्थानकाजवळ ट्रेनमधून पडले. याचदरम्यान आता रोहिदास मुंडे यांनी रेल्वे प्रशासनावर गंभीर आरोप केले आहे.

‘मोदी सरकारची ११ वर्षे, फक्त प्रचार, पण…; मुंब्रा रेल्वे दुर्घटनेवरून राहुल गांधींचा हल्लाबोल

मुंब्रा रेल्वे स्थानकाजवळ आज (9 जून) सकाळी 9.30 वाजता घडलेला भीषण अपघात हा केवळ दुर्घटना नसून रेल्वे प्रशासनाच्या हलगर्जीपणाचा थरारक पुरावा आहे. कसाऱ्याहून मुंबईकडे येणाऱ्या लोकल ट्रेनमधून पाच प्रवासी गाडीच्या दारातून खाली पडले आणि त्यात त्यांचा दुर्दैवी मृत्यू झाल्याची माहिती समोर येत आहे. ही घटना थरकाप उडवणारी असली तरी रेल्वे प्रशासनाच्या बाजूने अद्याप कोणताही अधिकृत खुलासा करण्यात आलेला नाही आणी हीच बाब धक्कादायक आहे. गर्दीमुळे प्रवासी दारात लटकून प्रवास करत होते. ही बाब नवीन नाही, मात्र उपाययोजना करण्याची जबाबदारी कुणाची?

कल्याण ग्रामीण विधानसभा प्रमुख रोहिदास मुंडे (शिवसेना – उद्धव बाळासाहेब ठाकरे गट) यांनी या घटनेवर तीव्र शब्दांत संताप व्यक्त केला आहे. त्यांनी म्हटलं आहे की, “प्रवाशांचे जीव हे आकडे नसून कुटुंबाचे आधार आहेत. या निष्पाप प्रवाशांचा मृत्यू म्हणजे थेट रेल्वे प्रशासनाच्या निष्काळजीपणाचा परिणाम आहे. या प्रकाराला जबाबदार असलेल्यांवर तत्काळ कारवाई झाली पाहिजे.”

रोहिदास मुंडे यांच्या मागण्या

• या घटनेची उच्चस्तरीय चौकशी तात्काळ व्हावी.
• मृत प्रवाशांच्या कुटुंबियांना किमान ₹२५ लाखांची नुकसानभरपाई द्यावी.
• दरवाजांमध्ये लटकणाऱ्या प्रवाशांच्या सुरक्षिततेसाठी तत्काळ उपाययोजना राबवाव्यात.
• दिवा ते मुंबई लोकल सेवा तात्काळ चालू करावी.
• लोकल गाड्यांचे फेऱ्या वाढवून गर्दी कमी करण्याचे धोरणात्मक पावले उचलावीत.
• सदर घटना ही केवळ अपघात नसून, ती व्यवस्थेतील दोषांचे भयावह दर्शन आहे. जेव्हा जनतेचा जीव धोक्यात येतो, तेव्हा तो केवळ “दुर्दैवी अपघात” म्हणून सोडवणूक करणं ही संवेदनाशून्यता आहे.
• रेल्वे प्रशासनाने आता तरी जागं व्हावं असे रोहिदास मुंडे यांनी म्हटले आहे.

Mumbai Local Train : लवकरच दिवा ते सीएसएमटी जलद लोकल सुरु होणार! श्रीकांत शिंदे यांची रेल्वे प्रशासनाकडे मागणी