ऑक्टोबर महिनाअखेर कोकण किनारपट्टीवर पावसाचे संकेत; दिवाळीच्या तोंडावर अधिक पावसाचा अंदाज व्यक्त
ज्येष्ठ हवामान तज्ज्ञ डॉ. कृष्णानंद होसाळीकर यांनी भारतीय हवामाशास्त्र विभागाच्या अंदाजानुसार, या कालावधीतील पावसाचे पावसाची संभाव्य हालचाल दिसून येत आहे. त्यानुसार, ऑक्टोबरच्या शेवटच्या आठवड्यात आणि नोव्हेंबरच्या सुरुवातीला पश्चिम किनारपट्टीसह दक्षिण भारताच्या काही भागांत पावसासाठी अनुकूल स्थिती निर्माण होण्याचे संकेत आहेत. २२ ते २९ ऑक्टोबरदरम्यान दक्षिण आणि पश्चिम किनारपट्टीवर
पावसाची शक्यता दर्शवण्यात आली आहे. त्यानंतर २९ ऑक्टोबर ते ५ नोव्हेंबर या कालावधीत महाराष्ट्राचा पश्चिम किनारा, कोकण आणि दक्षिण भारताच्या काही भागांत सरासरीपेक्षा अधिक पावसाचे संकेत नकाशात दिसतात.
दक्षिण द्वीपकल्पात ईशान्य मान्सूनच्या हालचालीही या काळात महत्त्वाच्या ठरू शकतात. मात्र, विस्तारित श्रेणीतील अंदाज हा संभाव्य पावसाचे चित्र दर्शवतो. त्यावरून एखाद्या शहरात किंवा जिल्ह्यात निश्चितपणे मुसळधार पाऊस पडेल, असा निष्कर्ष काढता येत नाही. प्रत्यक्ष पावसाचे प्रमाण, त्याचे क्षेत्र आणि तीव्रता यासाठी हवामान विभागाच्या पुढील अद्ययावत अंदाजांवर लक्ष ठेवावे लागणार आहे.
उष्णतेचा त्रास कायम राहण्याची शक्यता
मुंबई आणि महानगर प्रदेशात सध्या असामान्यरीत्या जास्त तापमान आणि उष्ण, दमट हवामान जाणवत आहे. काही ठिकाणी तापमान ३७ ते ३८ अंश सेल्सिअसपर्यंत पोहोचले आहे. हवामान विश्लेषक अंकुर पुराणिक यांच्या माहितीनुसार, पुढील दोन ते तीन दिवस, म्हणजेच १२ ऑक्टोबरपर्यंत उष्णतेचा त्रास कायम राहण्याची शक्यता आहे. त्यानंतर परिस्थितीत काहीशी सुधारणा होऊ शकते.
कमाल तापमान ३७ ते ३८ अंश सेल्सिअसपर्यंत
मुंबई आणि महानगर प्रदेशात सध्या उष्ण व दमट हवामानाचा त्रास जाणवत असून, काही ठिकाणी कमाल तापमान ३७ ते ३८ अंश सेल्सिअसपर्यंत पोहोचल्याची माहिती पुराणिक यांनी दिली आहे. १२ ऑक्टोबरपर्यंत उष्णतेचा त्रास कायम राहण्याची शक्यता असून, त्यानंतर काहीसा दिलासा मिळू शकतो. त्यामुळे सध्या उष्णतेपासून काळजी घेण्याबरोबरच ऑक्टोबरअखेरच्या संभाव्य पावसाच्या स्थितीवरही लक्ष ठेवणे आवश्यक ठरणार आहे.
.png "Videos"){kind=small}
