सोमवार, 12 ऑक्टोबर 2026
फोटो सौजन्य सोशल मीडिया
शहरातील सीताबर्डी मुख्य मार्ग, लॉ कॉलेज चौक, विद्यापीठ परिसरातील रस्ते आणि वर्धा मार्गासह अनेक वर्दळीच्या ठिकाणी इअरफोन घालून वाहन चालविणारे दिसतात. विशेषतः तरुण आणि महाविद्यालयीन विद्यार्थ्यांमध्ये ही सवय अधिक आढळते. इअरफोनमुळे हॉर्न, रुग्णवाहिकांचे सायरन आणि इतर वाहनांचे आवाज ऐकू येण्यास अडथळा निर्माण होऊ शकतो.
मोबाइलवरील संभाषण किंवा संगीतामुळे लक्ष विचलित झाल्यास अचानक उद्भवलेल्या परिस्थितीला प्रतिसाद देण्यास विलंब होण्याची शक्यता असते.नियमभंगाला आळा घालण्याचे आव्हान वाहतूक नियमांची अंमलबजावणी करण्यासाठी पोलिसांकडून विविध मोहिमा राबविल्या जातात. हेल्मेट न वापरणाऱ्या वाहनचालकांवर कारवाई केली जाते. मात्र, इअरफोन वापरून वाहन चालविण्याच्या प्रकारावर नियंत्रण ठेवणे हेही महत्त्वाचे आव्हान ठरत आहे.
वाहन चालवताना मोबाईल किंवा ईअरफोनचा वापर : मोटार वाहन कायद्याच्या कलम १८४ आणि केंद्रीय मोटार वाहन नियमांनुसार, वाहन चालवताना मोबाईल किंवा इंअरफोनचा वापर केल्यास ५ हजारांपर्यंत दंड होऊ शकतो. वारंवार नियमांचे उल्लंघन केल्यास न्यायालयामार्फत वाहनचालक परवाना रद्द करण्याची कारवाईही होऊ शकते.
हेल्मेटशिवाय दुचाकी चालवणे मोटार वाहन कायद्याच्या कलम १२९ व १९४डी नुसार दुचाकीचालक आणि मागे बसणाऱ्यास हेल्मेट वापरणे अनिवार्य आहे. नियमांचे उल्लंघन केल्यास एक हजारापर्यंत दंड आणि वाहनचालक परवाना निलंबित करण्याची कारवाई होऊ शकते.
वाहतूक पोलिसांकडून कितीही तपासणी केली किंवा ई-चलनाद्वारे दंड आकारला, तरी वाहनचालकांच्या सवयी बदलल्याशिवाय या समस्येवर प्रभावी नियंत्रण मिळविणे कठीण आहे. वाहन चालवताना इअरफोनचा वापर टाळणे, मोबाईलवरील संभाषणासाठी सुरक्षित ठिकाणी वाहन थांबविणे आणि वाहतुकीकडे पूर्ण लक्ष देणे आवश्यक आहे. सुरक्षित आणि शिस्तबद्ध वाहतुकीसाठी हेल्मेटचा वापर जितका महत्त्वाचा आहे, तितकेच वाहन चालवताना इअरफोनपासून दूर राहणेही आवश्यक आहे.
Nagpur Sports : ‘त्या’ हॉकी मैदानावरच आता स्पर्धा
दुचाकी चालकांप्रमाणेच ऑटोरिक्षा आणि ई-रिक्षाचालकांमध्येही इअरफोन वापरून वाहन चालविण्याची सवय दिसून येते.
प्रवाशांना घेऊन धावणाऱ्या वाहनचालकांचे लक्ष रस्त्याऐवजी मोबाईल किंवा संगीताकडे असल्यास अपघाताचा धोका वाढू शकतो.वाहतूक सिग्नल, पादचारी, अचानक समोर येणारी वाहने आणि लेनमधील बदल याकडे दुर्लक्ष होण्याची शक्यता असते.काही चालक संथ गतीने किंवा चुकीच्या पद्धतीने वाहन चालविल्याने मागील वाहनांची कोडीही होते. त्यामुळे चालकाच्या वैयक्तिक सवयीचा फटका इतर वाहनचालक आणि प्रवाशांनाही बसू शकतो,
