शनिवार, 3 ऑक्टोबर 2026
फोटो सौजन्य सोशल मीडिया
भारतीय हवाई दलाने सी-३९० मिलेनियमची निवड केल्यास शहरात अत्याधुनिक विमान निर्मिती आणि असेंबली केंद्र उभारले जाईल, यासाठी आवश्यक जमीन उपलब्ध करून देणे तसेच पायाभूत सुविधांच्या कामांना गती देण्यासाठी महिंद्रा आणि एम्ब्रायर महाराष्ट्र सरकारच्या सहकार्याने पुढील प्रक्रिया राबवत आहेत.एअरोस्पेस उद्योगाला मिळणार चालना: प्रस्तावित केंद्रात केवळ विमानांची असेंबलीच केली जाणार नाही तर सिस्टीम इंटिग्रेशन, मॅन्युफॅक्चरिंग इंजिनिअरिंग आणि स्थानिक पुरवठा साखळी उभारण्यावरही भर दिला जाणार आहे.
केंद्र सरकारच्या ‘आत्मनिर्भर भारत’ आणि ‘मेक इन इंडिया’ अभियानाशी सुसंगत असलेल्या प्रकल्पातून संरक्षण उत्पादनासोबतच एमआरओ आणि आफ्टरमार्केट सेवांचे जाळे मजबूत करण्याचे उद्दिष्ट आहे.महाराष्ट्र सरकारकडून सहकार्य महिंद्रा समूहाच्या एक्झिक्युटिव्ह बोर्डचे सदस्य विनोद सहाय आणि एम्ब्रायर डिफेन्स अॅण्ड सिक्युरिटीचे सीईओ बॉस्को दा कोस्टा ज्युनियर यांनी जमीन वाटप आणि इतर आवश्यक बाबींमध्ये सहकार्य केल्याबद्दल महाराष्ट्र सरकारचे आभार मानले आहेत.
सी-३९० मिलेनियम हे बहुउद्देशीय लष्करी वाहतूक विमान आहे.तब्बल २६ टन वजनाचा पेलोड वाहून नेण्याची त्याची क्षमता आहे. कच्च्या धावपट्टीवर उतरण्याची क्षमता असलेल्या विमानाचा वापर आपत्ती निवारण, लष्करी वाहतूक तसेच शोध आणि बचाव मोहिमांसाठीही करता येतो.
Nagpur News : अन्यथा ओबीसींचे चलो दिल्ली ;२५ ऑक्टोबरला जिल्ह्यात मोर्चे
प्रस्तावित विमानामुळे भारतीय हवाई दलातील जुन्या सोव्हिएत काळातील एएन-३२ आणि आयएल-७६ विमानांची जागा घेण्याची योजना आहे. सी-३९० मिलेनियमसोबत कराराच्या शर्यतीत एअरबस डिफेन्स अॅण्ड स्पेसचे ए-४००एम आणि लॉकहीड मार्टिनचे सी-१३० जे सुपर हरक्यूलिस ही दोन विमानेही आहेत. भारतीय हवाई दलाकडे सध्या सी-१३० जे सुपर हरक्यूलिसची १२ विमाने कार्यस्त आहेत.
भारतामध्ये संरक्षण उत्पादन, विमान असेंबली आणि एमआरओ सुविध विकसित करण्याच्या उद्देशाने महिंद्र आणि एम्ब्रायर यांच्यातील धोरणात्मक भागीदारीला फेब्रुवारी २०२४ मधील सामंजस्य करारानंतर सुरुवात झाली, त्यानंतर दोन्ही कंपन्य भारतात या क्षेत्रातील पायाभूत सुविध उभारण्यासाठी सातत्याने प्रयत्नशील आहेत. नागपूरची संभाव्य निवड ह त्याच प्रक्रियेतील महत्त्वाचा टप्प मानला जात आहे.
Nagpur Sport : व्हीएचएला पुन्हा धक्का; हॉकी मैदानाचा भाडेपट्टा रद्द
भारतीय हवाई दलासाठी सुमारे ८० मध्यम वाहतूक विमाने खरेदी करण्याच्या प्रस्तावाकडे एम्बायर आणि महिंद्रा समूहाचे लक्ष आहे. या करारासाठी सी-३९० मिलेनियमची निवड झाल्यास नागपुरात त्याची असेंबली लाइन उभारली जाऊ शकते. मात्र, हा करार दोन्ही कंपन्यांना मिळाल्यानंतरच प्रत्यक्ष उत्पादन केंद्र उभारणीचा मार्ग मोकळा होणार आहे. त्यासाठी भारतात स्थानिक उत्पादन आणि सपोर्ट हब उभारण्याच्या दृष्टीने प्राथमिक तयारी सुरू केली आहे.
