Nagpur Suicide Case : मृत्यूच्या दारातून परतला तरुण; ११२ वर कॉल येताच पोलिसांची धाव

Nagpur Suicide Case : नागपुरात आत्महत्येचा प्रयत्न करणाऱ्या तरुणाचा जीव पोलिसांच्या सतर्कतेमुळे वाचला. ११२ हेल्पलाइनवर कॉल येताच पोलिसांनी तातडीने घटनास्थळी धाव घेत तरुणाला वेळीच मदत केली आणि मोठा अनर्थ टळला.

• तत्पर पोलिसांचे कौतुक
• स्थानिकांनी दरवाजा तोडला

Nagpur Suicide Case : आर्थिक विवंचनेतून आणि पत्नीशी झालेल्या वादानंतर बादल रिशुपाल तडेकर (२७) याने टोकाचे पाऊल उचलले. मात्र, डायल ११२वर आलेली एक हाक जीवनदायी ठरली. माहिती मिळताच कळमना पोलिसांचे बीट मार्शल घटनास्थळी धावले. घराचा दरवाजा तोडून आत प्रवेश करीत युवकाला वेळीच उतरवले आणि जीव वाचवला. मंगळवारी सकाळी धरमनगर परिसरात ही घटना घडली.

बादल हा विद्युत कामे करणारा कुशल कामगार आहे. त्याचे लग्न झाले असून, पत्नी गर्भवती आहे, पत्नीची आणि कुटुंबाची जबाबदारी सांभाळताना त्याची आर्थिक ओढाताण सुरू होती. पत्नीला विरंगुळा मिळावा म्हणून त्याने टीव्ही आणि मोबाईल घेतला होता. मात्र, घरखर्चासह विविध वस्तूंचे मासिक हप्ते फेडताना त्याच्यावर आर्थिक ताण वाढला होता.

मंगळवारी सकाळी १० च्या सुमारास आर्थिक परिस्थितीवरून बादल आणि पत्नीमध्ये वाद झाला. त्यामुळे बादल अधिकच व्यथित झाला. वादानंतर बादलने पत्नीला घराबाहेर काढले आणि घराचे दार आतून बंद करून घेतले त्यानंतर त्याने गळफास लावायचा प्रयत्न सुरु केला .

Nagpur News : मताधिक्यापेक्षा चौपट मतदार गायब; मुख्यमंत्र्यांच्या मतदारसंघातच SIR वर प्रश्नचिन्ह

तत्पर पोलिसांचे कौतुक

पोलिस हवालदार संदेश शुक्ला आणि पोलिस शिपाई ठाकूर आडे यांच्या तत्परतेचे पोलिस आयुक्त विश्वास नांगरे पाटील यांनी कौतुक केले. कळमना ठाण्याचे वरिष्ठ पोलिस निरीक्षक प्रवीण काळे आणि पोलिस कर्मचाऱ्यांनीही दोघांचे कौतुक केले.

Nagpur Airport : १.५० लाख टनांचे लक्ष्य गाठणार कसे? कार्गो घटल्याने जीएमआरच्या योजनेसमोर मोठे आव्हान

स्थानिकांनी दरवाजा तोडला

घरातून बादलच्या हालचाली संशयास्पद वाटल्याने शेजाऱ्याऱ्यांनी तातडीने डायल ११२वर संपर्क साधला. माहिती मिळताच कळमना पोलिस ठाण्याचे बीट मार्शल पौहवा संदेश शुक्ला आणि पोलिस शिपाई ठाकूर आडे यांनी क्षणाचाही विलंब न करता घटनास्थळ गाठले.

घराचा दरवाजा आतून बंद असल्याने पोलिसांनी स्थानिकांच्या मदतीने दरवाजा तोडला. आत प्रवेश करताच बादल गळफास लावलेल्या अवस्थेत आढळला . पोलिसांनी त्याला गळफास कडून ताबडतोब खाली उतरवले आणि त्याचा जीव वाचवला .