PHOTO GENERATE AI
मी कलेक्टर ऑफिसला विनंती करतोय की, माझ्या तीन कर्जमाफी झाल्या आहेत. शासन म्हणते कर्जमाफी माफ आहे,अर्ज करून सुद्धा काही झाले नाही. जिल्हाधिकारी कार्यलयाने माझी चौकशी करावी. माझी मुलगी मेडिकलला शिकत आहे. मी शेतकरी म्हणून आत्महत्या करतोय माझ्या विनंतीस गांभीर्याने लक्ष द्या, तुमच्या लेकरांची शपत घेऊन सांगतो चौकशी करा.अशी भावनिक व्हिडिओ करून आपले जीवन संपवले आहे. यावर आता विरोधकांच्या तीव्र प्रतिक्रिया उमटत आहेत.
शंकर क्षीरसागर व्हिडिओमध्ये अश्रू ढाळत म्हणाले, “कलेक्टर साहेब, मी विनंती करतो की कर्जमाफी झालीच पाहिजे. शासनाने तीन वेळा कर्जमाफी जाहीर केली, पण एकाही कर्जमाफीच्या योजनेत माझे नाव आले नाही. त्यामुळे निराश होऊन मी आज आत्महत्या करत आहे.”
कर्जबाजारीपणा आणि शेतीच्या नुकसानीसोबतच त्यांच्यावर मुलांच्या शिक्षणाचा मोठा ताण होता. त्यांची मुलगी पुण्यात मेडिकलचे शिक्षण घेत आहे. सरकारने विद्यार्थ्यांचे शैक्षणिक शुल्क माफ केल्याच्या मोठ्या घोषणा केल्या असल्या,तरी अनेकदा अर्ज करूनही त्यांच्या मुलीची फी माफ झाली नाही.
आपल्या दीड एकर शेतीत शंकर आबनराव क्षीरसागर यांनी मोठ्या आशेने सोयाबीनचे पीक घेतले होते.मात्र,यंदा पावसाच्या प्रदीर्घ खंडामुळे आणि भीषण दुष्काळसदृश परिस्थितीमुळे त्यांचे संपूर्ण पीक जळून खाक झाले.
हा व्हिडिओ सोशल मीडियावर वाऱ्यासारखा पसरल्यानंतर नातेवाईक आणि पोलिसांनी तातडीने शेताकडे धाव घेण्यात आली. परंतु ते पोहोचण्यापूर्वीच त्यांनी आपल्या शेतात गळफास लावून जीवन संपवले होते. त्यांचे नाव सरकारच्या ऑनलाइन डेटाबेसमध्ये दिसत होते आणि आगामी कर्जमाफीच्या यादीत त्यांचा समावेश होण्याची शक्यता होती. या वेदनादायी घटनेनंतर नांदेडचे जिल्हाधिकारी राहुल कर्डिले यांनी या प्रकरणाच्या सखोल चौकशीचे आदेश दिले आहेत.
.png "Videos"){kind=small}
