नाशिकचा दुसरा खरात! कार्यलयात सापडले 120 अश्लील व्हिडीओ अन् प्राण्यांचे अवयवही…; Ravindra Erande विरोधात धक्कादायक माहिती समोर

नाशिकमध्ये रवींद्र एरंडे प्रकरणात धक्कादायक माहिती समोर आली असून, अश्लील व्हिडिओ आणि प्राण्यांच्या अवयवांबाबत गंभीर आरोप करण्यात आले आहेत. या प्रकरणी पोलिसांकडून सखोल तपास सुरू आहे.

• १० एप्रिलपर्यंत पोलिस कोठडीत वाढ
• एरंडेच्या कार्यालयात प्राण्यांचे अवयव
• रवींद्र एरंडे विरोधात धक्कादायक माहिती समोर

Nashik Ravindra Erande News Marathi : सातपूर येथील रवींद्र एरंडे याच्या विरोधातील गुन्ह्यात दररोज नवनवीन आणि धक्कादायक माहिती समोर येत आहे. सोमवारी (६ मार्च 2026) झालेल्या सुनावणीत पोलिसांनी खळबळजनक खुलासा केला असून, एरंडे याच्या कार्यालयात केवळ अश्लील व्हिडिओच नव्हे, तर प्राण्यांचे अवयवही सापडल्याचे न्यायालयाच्या निदर्शनास आणून दिले. या प्रकरणाचे गांभीर्य लक्षात घेऊन न्यायालयाने आरोपीच्या पोलीस कोठडीत ४ दिवसांची वाढ केली असून, आता तो १० एप्रिलपर्यंत पोलिसांच्या ताब्यात राहणार आहे.

रवींद्र एंडे याची दोन दिवसांची पोलीस कोठडी संपल्याने त्याला सोमवारी न्यायालयात हजर केले. यावेळी सरकारी पक्षातर्फे सहाय्यक पोलीस निरीक्षक सचिन बारी यांनी तपासातील प्रगती सादर केली. हस्तगत केलेल्या पेनड्राईव्हची तपासणी केली असता, त्यात तब्बल ७ महिलांचे १२० अश्लील व्हिडिओ आढळून आले आहेत. विशेष म्हणजे, आरोपीने प्राथमिक चौकशीत या व्हिडिओंची कबुली दिल्याची माहिती पोलिसांनी न्यायालयात दिली. या व्हिडिओमधील महिलांची ओळख पटवून त्यांचे जबाब नोंदवण्याचे मोठे आव्हान आता पोलिसांसमोर आहे.

Ashok Kharat Case : ‘अशोक खरात तू तो गियो’ ED च्या एन्ट्रीनंतर आता मनी लाँड्रिंगचा गुन्हा दाखल

न्यायालयात जोरदार युक्तिवाद

आरोपी तपासात सहकार्य करत नसून, त्याने गुन्ह्यासाठी नेमकी कोणती इलेक्ट्रॉनिक उपकरणे वापरली, याची माहिती देण्यास टाळाटाळ करत आहे. हार्डडिस्कमधील डेटा तपासण्यासाठी तसेच रॅकेटची व्याप्ती शोधण्यासाठी ७ दिवसांच्या कोठडीची मागणी तपासाधिकारी सहायक पोलीस आयुक्त सचिन बारी यानी केली. तर, तर आरोपीचे वकील अरुण दोंदे यांनी या मागण्यांना विरोध केला, त्यांनी दावा केला की, पेनड्राईव्ह आणि कॅमेरा जप्त केल्याची पोलिसांची बाब चुकीची आहे. कार्यालयात सापडलेली वस्तू सापाची कात आहे, कातडी नाही. केवळ रागातून हा गुन्हा दाखल करण्यात आला असून, आरोपीला न्यायालयीन कोठडी मिळावी, असा युक्तिवाद त्यांनी केला.

सापाचे कातडे सापडल्याचा बचाव पक्षाचा दावा

तपास पथकाने एरंडे याच्या घर आणि कार्यालयाची झडती घेतली असता, तिथे अनेक संशयास्पद बाबी हाती लागल्या आहेत. कार्यालयात काही प्राण्यांचे अवयव आढळून आले असून, या अवयवांचा वापर नेमका कशासाठी केला जात होता, याचा तपास करणे बाकी आहे. मात्र एरंडे यांच्या कार्यालयात प्राण्यांचे नव्हे तर सापाची कातडी असल्याचा दावा बचाव पक्षाच्यावतीने करण्यात आला.

न्यायालयाचा निकाल

दोन्ही बाजूंचा युक्तिवाद ऐकल्यानंतर न्यायालयाने ४ दिवसाची पोलीस कोठडी मंजूर केली. पोलिसांनी आरोपीला विचारले असता, त्याने पोलिसांविरुद्ध कोणतीही तक्रार नसल्याचे न्यायालयात सांगितले. दरम्यान, संशयित आरोपी तांत्रिक माहिती देण्यास वेळकाढूपणा करत असून, त्याने हे अश्लील साहित्य आणखी कुठे साठवून ठेवले आहे का, याचा शोध घेणे आवश्यक आहे. या प्रकरणाचे धागेदोरे शहरात इतरत्र पसरलेले असण्याची शक्यता असून, मोठे रॅकेट उघड होण्याची शक्यता वर्तवली जाते आहे.

Ashok Kharat प्रकरणात नाशिक पोलिसांची हाताची घडी, SIT चे तोंडावर बोट; बड्या धेंडांना वाचवण्याचा प्रयत्न की राजकीय स्वार्थ?