वारकऱ्यांसाठी गुडन्यूज! पंढरपुरात 34 फलाटांचे नवीन चंद्रभागा बसस्थानक सेवेत, मुख्यमंत्र्यांच्या हस्ते लोकार्पण

यात्री निवासाचे लोकार्पण आषाढी एकादशी दिवशी आज (१७ जुलै) मुख्यमंत्री एकनाथ शिंदे यांच्या हस्ते लोकार्पण करण्यात आले. यावेळी सोलापूर जिल्ह्याचे पालकमंत्री चंद्रकांत पाटील उपस्थित होते.

पंढरपुरात 34 फलाटांचे नवीन चंद्रभागा बसस्थानक सेवेत, मुख्यमंत्र्यांच्या हस्ते लोकार्पण (फोटो सौजन्य-एसटी महामंडळ)

Follow Us:

Follow Us:

पंढरपूर येथे एसटी महामंडळाच्या जागेवर राज्यातील पहिले ३४ फलाटाचे अति- भव्य अशा चंद्रभागा यात्रा बसस्थानक व त्याला जोडूनच एक हजार यात्रेकरू एकावेळी राहतील, अशा यात्री निवासाचे लोकार्पण आषाढी एकादशी दिवशी आज (१७ जुलै) मुख्यमंत्री एकनाथ शिंदे यांच्या हस्ते लोकार्पण करण्यात आले. यावेळी सोलापूर जिल्ह्याचे पालकमंत्री चंद्रकांत पाटील उपस्थित होते.

पंढरपूर येथे एसटी महामंडळाचे अद्यावत बस स्थानक आहे. तेथून शेकडो बसेस राज्यभरात प्रवाशांची नियमित ने-आण करतात. तसेच आषाढी आणि कार्तिकी सारख्या मोठ्या यात्रेसाठी ते बसस्थानक अपुरे पडत होते. म्हणून एसटी महामंडळाकडून ११ हेक्टर जागेवर ३४ फलाटाचे अति भव्य चंद्रभागा यात्रा बस स्थानक निर्माण करण्यात आले आहे. याबरोबरच पंढरपूरला दररोज येणाऱ्या भाविक- यात्रेकरूंची निवासाची अल्प दरात सोय व्हावी या दृष्टीने बस स्थानकाला लागूनच यात्री निवास बांधण्यात आले आहे. या यात्री निवासामध्ये एकाच वेळी सुमारे १ हजार यात्रेकरू राहू शकतात. येथे एसटी कर्मचारी व यात्रेकरूंसाठी २ सुसज्ज उपहारगृहे देखील बांधण्यात आली आहेत. हा राज्यातील एसटी महामंडळाचा पहिलाच प्रकल्प असून त्यासाठी ३३ कोटी रुपये खर्च आला आहे. या भव्य प्रकल्पाचा लोकार्पण सोहळा आषाढी एकादशी दिवशी माननीय मुख्यमंत्री एकनाथ शिंदे यांच्या हस्ते संपन्न झाला.

या बस स्थानकावरून आषाढी आणि कार्तिक यात्रेसाठी येणाऱ्या भाविकांसाठी राज्यभरातील सर्व ठिकाणी एसटी बसेस सोडण्यात येणार आहेत. येथे एसटीच्या सुमारे ५०० कर्मचाऱ्यांची राहण्याची सोय करण्यात आली असून याबरोबरच सुमारे १ हजार यात्रेकरू देखील राहतील, असे भव्य यात्री निवास बांधण्यात आले आहे.

Web Title: New chandrabhaga bus station with 34 platforms in pandharpur inaugurated by chief minister eknath shinde

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com