दीनानाथ मंगेशकर रुग्णालयाला तीव्र विरोधानंतर अखेर आली जाग; आता डिपॉझिट न भरताच उपचार

डिपॉझिटची रक्कम भरली नसल्यामुळे तातडीने उपचार न मिळाल्याचा आरोप नातेवाईकांनी केला आहे. या दुर्दैवी घटनेमुळे संपूर्ण राज्यभर संतापाची लाट उसळली आहे. या घटनेनंतर अनेक राजकीय पक्षांसह संघटनांनी जोरदार हल्लाबोल केला होता.

दीनानाथ मंगेशकर रुग्णालयाला तीव्र विरोधानंतर अखेर आली जाग; आता डिपॉझिट न भरताच उपचार

Follow Us:

Follow Us:

पुणे : पुण्यातील दीनानाथ मंगेशकर रुग्णालयात उपचारासाठी दाखल होऊ न दिल्याने एका अत्यवस्थ गरोदर महिलेचा मृत्यू झाल्याची धक्कादायक घटना समोर आली आहे. डिपॉझिटची रक्कम भरली नसल्यामुळे तातडीने उपचार न मिळाल्याचा आरोप नातेवाईकांनी केला आहे. या दुर्दैवी घटनेमुळे संपूर्ण राज्यभर संतापाची लाट उसळली आहे. या घटनेनंतर अनेक राजकीय पक्षांसह संघटनांनी जोरदार हल्लाबोल केला होता. त्यानंतर आता रुग्णालय प्रशासनाने डिपॉझिट न भरताच उपचार करण्याचा निर्णय घेतला आहे.

या घटनेबाबत चिंचवडचे आमदार शंकर जगताप यांनी तीव्र नाराजी व्यक्त केली होती. “घडलेली घटना जितकी दुर्दैवी आहे, तितकीच संतापजनक आहे. अशा प्रकारांची पुनरावृत्ती होऊ नये यासाठी या प्रकरणाची सखोल चौकशी होऊन दोषींवर तातडीने कठोर कारवाई करणे आवश्यक आहे,” असे त्यांनी स्पष्टपणे सांगितले. दरम्यान, या प्रकरणाचे गांभीर्य लक्षात घेऊन मुख्यमंत्री देवेंद्र फडणवीस यांनी तत्काळ चौकशी समिती नेमून आवश्यक पावले उचलली आहेत.

आमदार जगताप यांनी पुढे बोलताना धर्मादाय रुग्णालयांच्या कारभारावरही गंभीर प्रश्न उपस्थित केले. “फक्त दीनानाथ मंगेशकर रुग्णालयच नव्हे, तर इतर धर्मदाय रुग्णालयांचीही निष्पक्ष चौकशी होणे गरजेचे आहे. तसेच, या प्रकरणात दोषी आढळलेल्या डॉक्टरांवर कठोर कारवाई केली पाहिजे,” अशी मागणी त्यांनी केली.

डिपॉझिटच्या प्रथेबाबत नवा नियम आवश्यक

या घटनेच्या निमित्ताने रुग्णांना दाखल करताना मागवण्यात येणाऱ्या डिपॉझिटच्या अटीवरही गंभीर चर्चा सुरू झाली आहे. “अनेक रुग्ण आर्थिक कारणांमुळे वेळेत उपचार मिळवू शकत नाहीत, त्यामुळे सरकारने नवीन नियमावली तयार करून तातडीने कारवाई करणे गरजेचे आहे,” असे आमदार जगताप यांनी सांगितले.

कुटुंबियांनी काय केलाय आरोप?

दीनानाथ मंगेशकर रुग्णालयातील धक्कादायक प्रकार समोर आला आहे. दीनानाथ मंगेशकर रुग्णालयामध्ये पैसे भरण्याची मागणी केल्यामुळे एका गर्भवती महिलेचा मृत्यू झाला. रुग्णालय प्रशासनाकडून गर्भवती असेलल्या तनिषा भिसे यांच्या उपचारांसाठी कुटुंबियांकडून दहा लाखांची मागणी केली. पैसे वेळेत न दिल्यामुळे रुग्णालयाने उपचार न दिल्यामुळे तनिषा भिसे यांचा दोन जुळ्या मुलांना जन्म देताना मृत्यू झाला असल्याचा आरोप भिसे कुटुंबियांनी केला आहे. यामुळे पुण्यासह राज्यभरातून रोष व्यक्त केला जात आहे.

आपातकालीन परिस्थितीत अनामत रकमेशिवाय उपचार

दीनानाथ मंगेशकर रुग्णालयात आता आपातकालीन परिस्थितीत अनामत रकमेशिवाय उपचार करून घेता येणार आहेत. या संदर्भात वैद्यकीय संचालकांचे सामान्यांना पत्र देण्यात आले आहे.

Web Title: Now get treatment without paying a deposit in deenanath mangeshkar hospital nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com