लासलगाव बाजार समितीत कांदा दरात घसरण; सात महिन्यानंतर कांद्याला सर्वात निच्चांकी दर

Onion price fall in Lasalgaon : कांदा निर्यातबंदीनंतर दररोज कांद्याच्या दरात घसरण होत असताना दुसरीकडे देशांतर्गत कांद्याची मोठी आवक बाजार समित्यांमध्ये दाखल होत असताना गेल्या आठवड्यात नाशिक दौऱ्यावर पंतप्रधान नरेंद्र मोदी आले होते. यावेळी कांदा निर्यातबंदीसंदर्भात काही तरी घोषणा करतील, या अपेक्षेने कांद्याचे दर 2 हजार रुपयांच्या जवळपास स्थिर होते.

काहीच घोषणा न झाल्याने आज कांद्याला 19 जूनच्या तुलनेत सात महिन्यानंतर लासलगाव कृषी उत्पन्न बाजार समिती निच्चांकी असे सतराशे रुपयांच्या आत 1675 रुपये इतके जास्तीतजास्त दर मिळाले आहेत. तरी सरासरी 1500 रुपये, कमीतकमी 600 रुपये इतके प्रति क्विंटलला दर मिळत असल्याने कांदा उत्पादकांच्या चिंतेत वाढ झाली आहे. यामुळे कांद्याची निर्यातबंदी उठवण्याची मागणी केली जाते.

मागील काही दिवसांपासून काद्यांवरील निर्यातबंदीमुळे कांदा उत्पादक शेतकरी मेटाकुटीला आला आहे. यामुळे शेतकऱ्यांना अपेक्षा होती पंतप्रधान नाशिक दौऱ्यावर आल्यानंतर कांदा उत्पादक शेतकऱ्यांना दिलासा देतील. परंतु, शेतकऱ्यांची ही अपेक्षा फोल ठरली. कांद्याला भाव मिळेल या आशेने शेतकऱ्यांनी कांदा साठवला होता. मात्र, साठवलेला कांदा मोठ्या प्रमाणात खराब झाल्याने अक्षरशः कांदा वाळवण्याची देखील वेळ या शेतकऱ्यांवर येत असून खराब झालेला कांदा अक्षरशः जनावरांना खाऊ घालत आहेत. त्यामुळे हा कांदा उत्पादक शेतकरी मोठा अडचणीत सापडला आहे.

आता याचसंदर्भात कांदा उत्पादकानी त्यांची प्रतिक्रिया व्यक्त केली आहे. यावेळी म्हणाले, सप्टेंबर ते नोव्हेंबर महिन्यामध्ये आम्ही कांद्याची साठवणूक केली होती २ पैसे जास्त मिळतील या हिशोबाने. अवकाळी पावसामुळे कांद्याची प्रचंड नुकसान झाले. सरकारने जे काही आता ४०% पर्यंत निराश शुल्क वाढवले आहेत त्यामुळे कांद्याचे भाव पडले.