Bhayander Crime : थेट पोलिसांच्याच अंगावर घातली सुसाट कार! मद्यपी चालकाचा हादरवणारा प्रताप; थरारक पाठलागानंतर पोलिसांकडून जेरबंद

Bhayander Crime : भाईंदरमध्ये कर्तव्यावर असलेल्या पोलिस अंमलदाराच्या अंगावर मद्यधुंद अवस्थेत गाडी घालून पळून जाण्याचा प्रयत्न करणाऱ्या एका मुजोर चालकाला भाईंदर पोलिसांनी शिताफीने अटक केली आहे. तेजस्वी शिवराम विश्वकर्मा असे या आरोपीचे नाव असून, त्याने पोलिसांच्या तावडीतून सुटण्यासाठी थेट गस्तीवरील पोलिसांनाच गाडीने धडक दिली.

• पाठलाग करून आरोपी जेरबंद
• मद्यपी चालकाला केली अटक
• थेट पोलिसांच्या अंगावर घातली कार

Bhayander Crime : भाईंदर, कर्तव्यावर असलेल्या पोलिसांच्या अंगावर थेट कार घालून त्यांना जखमी करत पळून जाण्याचा प्रयत्न करणाऱ्या एका मद्यधुंद चालकाला भाईंदर पोलिसांनी शिताफीने अटक केली आहे. तेजस्वी शिवराम विश्वकर्मा असे या मुजोर चालकाचे नाव असून, त्याच्याविरुद्ध भाईंदर पोलिस ठाण्यात गंभीर स्वरूपाचा गुन्हा दाखल करण्यात आला आहे. या घटनेत एक पोलिस अंमलदार जखमी झाले असून त्यांच्यावर प्राथमिक उपचार करण्यात आले आहेत. ( Bhayander Crime ) 

Nalasopara Navratri Violence : नालासोपाऱ्यात नवरात्रोत्सवाला गालबोट! दोन गटांत तुफान हाणामारी, महिलांसह 10 जण जखमी

११ ऑक्टोबर रोजी मध्यरात्री भाईंदर पोलिस ठाण्याच्या ‘बिट मार्शल क्रमांक ३’ चे पोलिस अंमलदार सलमान नासिर पटवे आणि पोलिस शिपाई विशाल भोई गस्तीवर होते. मुर्धा गावातील अॅक्वा गार्डन बारसमोर एक चालक अतिशय बेदरकारपणे आणि मद्यधुंद अवस्थेत कार चालवत असल्याचे पोलिसांच्या निदर्शनास आले. पोलिसांनी तत्काळ हस्तक्षेप करत चालकाला हटकले आणि पुढील कायदेशीर कारवाईसाठी त्याला कारसह भाईंदर पोलिस ठाण्याच्या दिशेने घेऊन निघाले,

पोलिसांनी प्रसंगावधान राखत मुसक्या आवळल्या

सहकारी जखमी झाल्यानंतरही पोलिसांनी प्रसंगावधान राखत तत्काळ पाठलाग सुरू केला. अखेर काही अंतरावरच पोलिसांनी आरोपी तेजस्वी विश्वकर्मा याला कारसह ताब्यात घेतले. मद्यधुंद अवस्थेत वाहन चालवणे, पोलिसांच्या कामात अडथळा आणणे आणि जीवे मारण्याचा प्रयत्न करणे अशा कलमांखाली गुन्हा नोंदवून आरोपीला अटक करण्यात आली आहे.

तावडीतून सुटण्यासाठी पळ काढण्याचा प्रयत्न

सुभाषचंद्र बोस मैदानासमोरील रस्त्यावर पोहोचताच चालकाने अचानक गाडी पोलिस ठाण्याकडे नेण्यास स्पष्ट नकार दिला. पोलिसांच्या तावडीतून निसटण्याच्या उद्देशाने त्याने क्षणार्धात कार उजव्या बाजूला वळवून भाईंदर पूर्वेच्या दिशेने सुसाट पळ काढण्याचा प्रयत्न केला. पोलिसांनी त्याला थांबण्याचा इशारा केला असता, त्याने थेट ड्युटीवर असलेल्या पोलिस अंमलदाराच्या अंगावर कार घातली. या जोरदार धडकेत अंमलदार खाली पडून जखमी झाले.

Massive fire in Palghar’s : पालघरच्या दिनकर पाड्यात जिनिअस पेंट्स कंपनीला भीषण आग; परिसरात भीतीचे वातावरण