Ganeshotsav 2026 : Mira Bhayandar मध्ये गणेशमूर्ती विसर्जनासाठी 24 ठिकाणी व्यवस्था; 19 कृत्रिम अन् ५ नैसर्गिक जलस्रोतांचा समावेश

Mira Bhayandar Ganeshotsav 2026 : आगामी गणेशोत्सवाच्या पार्श्वभूमीवर मीरा-भाईंदर महापालिकेने मूर्ती विसर्जनासाठी जय्यत तयारी केली आहे. शहरात एकूण २४ ठिकाणी विसर्जनाची व्यवस्था करण्यात आली आहे. ६ फुटांवरील मोठ्या मूर्तींसाठी ५ नैसर्गिक जलस्रोत आणि ६ फुटांखालील मूर्तींसाठी १९ कृत्रिम तलाव तयार केले जाणार आहेत.

• मूर्ती विसर्जनाची २४ ठिकाणी व्यवस्था
• 19 कृत्रिम अन् ५ नैसर्गिक जलस्रोतांचा समावेश
• गणेशोत्सवाच्या पार्श्वभूमीवर महापालिकेकडून तयारी

Mira Bhayandar Ganeshotsav 2026 : येत्या गणेशोत्सवाच्या पाश्र्वभूमीवर गणेशमूर्तीच्या विसर्जनासाठी मीरा भाईंदर महापालिकेकडून जय्यत तयारी करण्यात येत आहे. यंदा शहरात एकूण २४ ठिकाणी विसर्जनाची व्यवस्था करण्यात येणार असून, त्यामध्ये ६ फुटांवरील गणेशमूर्तीसाठी पाच नैसर्गिक जलस्रोत, तर ६ फुटांखालील मूर्तीसाठी १९ कृत्रिम तलावांची व्यवस्था करण्यात येणार आहे. ( Mira Bhayandar Ganeshotsav 2026 )

Zilla Parishad School: भिंतींना तडे, छताला गळती; धोकादायक इमारतीत ६८ विद्यार्थ्यांचे भविष्य, विद्यार्थ्यांच्या सुरक्षेची जबाबदारी

६ फुटांखालील मूर्तीच्या विसर्जनासाठी विविध ठिकाणी कृत्रिम तलाव तयार केले जाणार आहेत. यामध्ये नेताजी सभाषचंद्र बोस मैदान, एसटीची मोकळी जागा, भाईंदर पूर्वेकडील बाळासाहेब ठाकरे मैदान, मेजर ध्यानचंद मैदान, जेसल पार्क चौपाटी, बालाजी मैदान, मीरा रोड येथील डॉन बॉस्को शाळेसमोरील जागा, शिवार गार्डन, मोर्चा गावातील पाटील मैदान, रामदेव पार्क परिसर, भाईंदर पश्चिमेकडील नगरभवन तलाव, भाईंदर पूर्वेकडील जुना नवघर तलाव, एस. एन. कॉलेजसमोरील मैदान, घोडबंदर येथील पद्मावती तलाव, नासका तलाव, काशिमीरा येथील जरीमरी तलाव, मिरागाव येथील सातकरी तलाव आणि पेणकरपाडा येथील सुकाळा तलाव आदी ठिकाणांचा समावेश आहे.

५ नैसर्गिक जलसेत
१९ कृत्रिम तलाव

नैसर्गिक जलस्रोतांमध्ये या ठिकाणांचा समावेश

नैसर्गिक जलस्रोतांमध्ये उत्तन समुद्रकिनारा, भाईंदर पश्चिम खाडी किनारा, भाईंदर पूर्व खाडी किनारा, घोडबंदर येथील रेतीबंदर खाडी किनारा आणि चेना नदी या ठिकाणांचा समावेश आहे. मोठ्या मूर्तीचे विसर्जन या ठिकाणी करण्यात येणार आहे. गेल्या वर्षी शहरात ९९ हजार १६७ गणेशमूर्ती व गौरींचे विसर्जन झाले होते. यंदा यात वाढ होण्याची शक्यता पालिकेने व्यक्त केली आहे. त्यामुळे सर्व विसर्जनस्थळी पुरेसे मनुष्यबळ तैनात करण्यात येणार आहे.

प्रक्रिया सुरक्षित आणि अपघातमुक्त करण्याचा प्रयत्न

भक्तांना थेट पाण्यात उतरून मूर्ती विसर्जित करण्यास परवानगी न देता, त्यासाठी विशेष विसर्जन पथके नियुक्त केली जाणार आहेत. संभाव्य दुर्घटना टाळण्यासाठी पोलिसांची पथकेही तैनात राहणार असून, आपत्कालीन परिस्थितीत तातडीने मदत मिळावी यासाठी प्रत्येक विसर्जनस्थळी वैद्यकीय पथकांची नियुक्ती करण्यात येणार आहे. त्यामुळे यंदाच्या गणेशोत्सवात विसर्जन प्रक्रिया सुरक्षित आणि अपघातमुक्त करण्याचा पालिकेचा प्रयत्न आहे.

Vasai Virar महापालिकेचा मोठा निर्णय! आता कंत्राटदारांऐवजी तृतीयपंथी, महिला बचत गटांच्या हाती ‘क्लीनअप मार्शल’ची धुरा