कल्याण डोंबिवलीत कवयित्री बहिणाबाई चौधरी स्मृतिदिन अभिवादन सोहळा उत्साहात संपन्न
खानदेशी बोलीभाषेत जीवनाचे तत्त्वज्ञान सोप्या शब्दांत मांडणाऱ्या खानदेश कन्या कवयित्री बहिणाबाई चौधरी यांचा आज 73 वा स्मृतिदिन आहे. कवयित्री बहिणाबाई यांच्या 73 व्या स्मृतिदिनानिमित्त आज मंगळवारी सकाळी 8:00 वाजता कल्याण-डोंबिवली महानगरपालिकेच्या डोंबिवली पूर्व विभागातील सुनील नगर येथील कवयित्री बहिणाबाई चौधरी उद्यानात अभिवादन सोहळ्याचे आयोजन करण्यात आले होते. हा सोहळा मोठ्या उत्साहात संपन्न झाला.
महाराष्ट्रासंबंधित बातम्या वाचण्यासाठी इथे क्लिक करा
कार्यक्रमाचे आयोजन बहिणाबाई चौधरी उद्यान व्यायाम समितीच्या वतीने करण्यात आले. उद्यानात दररोज व्यायामासाठी येणाऱ्या महिला आणि पुरुषांच्या सहभागातून या कार्यक्रमाला विशेष रंगत आली. बहिणाबाई चौधरी उद्यानात डिजिटल पेंटिंग वर्क करणारे सुनील चौधरी यांनी देखील या सोहळ्याला उपस्थिती लावली होती. यांची उपस्थिती या कार्यक्रमात प्रमुख आकर्षण ठरली. यावेळी बहिणाबाई चौधरी यांच्या आठवणींना उजाळा देण्यात आला.
या कार्यक्रमात समिती सदस्य, माजी नगरसेवक प्रकाश माने आणि विनय दीक्षित यांनी कवयित्री बहिणाबाई चौधरी यांच्या जीवनकार्याचे स्मरण आणि त्यांच्या विचारांचा प्रसार याबद्दल मनोगत व्यक्त केले. अभिवादन सोहळ्याचे सूत्रसंचालन माजी नगरसेवक प्रकाश शांताराम माने यांनी केले, तर आभार प्रदर्शन प्रदीप पवार, विक्रम म्हात्रे आणि विकास म्हात्रे यांनी केले.
महाराष्ट्रासंबंधित बातम्या वाचण्यासाठी इथे क्लिक करा
कार्यक्रमाच्या यशस्वी आयोजनासाठी समितीचे सदस्य श्रलाल विलास सावंत, वसंत चिंदरकर, विकास सावकारे, संदीप शेट्टी, शंकर शिर्के, प्रतीक्षा प्रकाश माने, गीता नाईक, ममता तिवारी, सविता अनगोळकर, फुलचंद मासी, शरद जोशी, संतोष कारंडे, गिरीश कुलकर्णी, संदीप चिकणे, संगम भुजबळ, प्रीती नेमाडे, शशी शर्मा, अनंत पाटील, जयश्री पुत्रन, विकास जोशी, एल डी पाटील, अशोक जंगले, परशुराम म्हात्रे (काका), शरदचंद्र जोशी, सिताराम राऊळ, शिवबा शिर्के, स्वानंदी शिर्के, हेमंत बारस्कर, राजन जोशी, पद्मजा नागवेकर, अरुणा देशपांडे, माधुरी जोशी, मेघा ठोंबरे, नंदा शाळीग्राम व इतर मान्यवर उपस्थित होते.
बहिणाबाई चौधरी यांचा जन्म 24 ऑगस्ट 1880 रोजी सध्याच्या जळगाव जिल्ह्यातील खान्देश भागातील असोदे येथे झाला. त्यांच्या आईचे नाव भीमाई होते. वयाच्या 13 व्य वर्षी बहिणाबाई यांचा विवाह झाला. बहिणाबाई यांच्या कविता आजही अजरामर आहेत. अरे संसार संसार ही बहिणांबाईंची कविता ऐकली की अनेकांचे डोळे पाणावतात. बहिणाबाई यांनी त्यांच्या कवितेतून स्त्रियांच्या व्यथा मांडण्याचा प्रयत्न केला आहे. आचार्य अत्रे यांनी बहिणाबाईंच्या कवितांची सोन्याशी तुलना केली होती.
आला पह्यला पाऊस, कशाला काय म्हणूं नही?, सुगरणीचा खोपा, अरे संसार संसार या बहिणाबाईंच्या कविता अत्यंत लोकप्रिय आहेत. जळगावच्या चौधरी वाड्यातील बहिणाबाईंच्या घराचे रूपांतर संग्रहालयात करण्यात आले. या संग्रहालयाला बहिणाबाई चौधरी मेमोरियल ट्रस्ट असे नाव देण्यात आले आहे.
