या मागणीसाठी भाजप आमदार नरेंद्र मेहता यांच्या नेतृत्वाखाली 50 हून अधिक नगरसेवक व कार्यकर्त्यांनी भाईंदरमधील नवघर पोलीस ठाण्यात धाव घेत ठिय्या आंदोलन केले. आंदोलनादरम्यान “त्वरित कारवाई करा” अशी जोरदार घोषणाबाजी करण्यात आली. संबंधित व्यक्तीवर गुन्हा नोंदविण्याशिवाय मागे हटणार नाही, असा इशारा भाजपकडून देण्यात आला.दरम्यान, या आंदोलनाशी संबंधित आणखी एक व्हिडिओ सोशल मीडियावर व्हायरल झाला आणि वादाला नवे वळण मिळाले. या व्हिडिओमध्ये आमदार आणि त्यांच्या काही नगरसेवकांकडून पोलीस अधिकाऱ्यांशी आक्रमक वर्तन केल्याचे, तसेच कथित शिवीगाळ केल्याचे दिसत असल्याचा दावा करण्यात येत आहे. या घटनेनंतर शिवसेना (उबाठा) पक्षानेही आक्रमक भूमिका घेतली.
शिवसेनेचे कार्यकर्ते मोठ्या संख्येने नवघर पोलीस ठाण्यात एकत्र जमले आणि त्यांनीही ठिय्या आंदोलन सुरू केले. “पोलीस अधिकाऱ्यांचा अपमान सहन केला जाणार नाही” अशी भूमिका घेत संबंधित आमदार आणि नगरसेवकांवर गुन्हा दाखल करण्याची मागणी करण्यात आली. पोलिसांशी गैरवर्तन केल्याचा आरोप करत शिवसैनिकांनी जोरदार घोषणाबाजी केली.या संपूर्ण घटनाक्रमामुळे नवघर परिसरात तणावाचे वातावरण निर्माण झाले असून, दोन्ही पक्षांमध्ये आरोप-प्रत्यारोपांची मालिका सुरूच आहे. एकीकडे भाजपकडून शिवसैनिकावर कारवाईची मागणी होत असताना, दुसरीकडे शिवसेनेकडून भाजप आमदार आणि नगरसेवकांवर कारवाईची मागणी केली जात आहे.
दरम्यान, नवघर पोलीस ठाण्याकडून परिस्थिती नियंत्रणात ठेवण्यासाठी अतिरिक्त पोलीस बंदोबस्त तैनात करण्यात आला आहे. व्हायरल झालेल्या दोन्ही व्हिडिओंची तपासणी सुरू असून, संबंधित व्यक्तींविरुद्ध कायदेशीर कारवाई करण्याबाबत पोलीस अधिकाऱ्यांनी संकेत दिले आहेत.या घटनेमुळे मिरा-भाईंदरमधील राजकीय वातावरण आणखी ढवळून निघाले असून, आगामी काळात हा वाद अधिक चिघळण्याची शक्यता व्यक्त केली जात आहे.
.png "Videos"){kind=small}
