Action on Pune Ganesh Visarjan Noise Pollution
विसर्जन मिरवणुकीदरम्यान ध्वनी प्रदूषण आणि फटाक्यांमुळे होणाऱ्या वायू प्रदूषणाबाबत शहरातून अनेक तक्रारी पोलिसांकडे प्राप्त झाल्या असतील. पोलिस प्रशासन, महाराष्ट्र प्रदूषण नियंत्रण मंडळ तसेच विविध स्वयंसेवी संस्थांनीही या नियमभंगाच्या नोंदी घेतल्या असल्यास, त्या आधारे संबंधितांवर कारवाई करावी, असे पत्रात नमूद करण्यात आले आहे.
मिरवणुकीदरम्यान कायदा व सुव्यवस्थेचा प्रश्न निर्माण होऊ नये, यासाठी पोलिसांनी घटनास्थळी थेट कारवाई करणे टाळले असेल, हे समजू शकते. मात्र, त्यानंतरही कारवाई झाली नाही तर नियमभंगाचे प्रकार दरवर्षी वाढण्याची शक्यता आहे. त्यामुळे उपलब्ध तक्रारी व नोंदींच्या आधारे तातडीने कारवाई करावी, अशी मागणी वेलणकर यांनी केली आहे.
नियमभंग करणाऱ्यांवर गुन्हे दाखल झाल्यानंतर राजकीय हस्तक्षेपातून ते मागे घेतले जातात, असा नागरिकांचा अनुभव असल्याचे पत्रात नमूद करण्यात आले आहे. त्यामुळे न्यायालयाच्या आदेशांचे उल्लंघन केल्यानंतरही कारवाई होणार नाही, अशी धारणा निर्माण होते. ही धारणा दूर करण्यासाठी न्यायालयीन प्रक्रिया वेळेत पूर्ण करण्याची मागणी करण्यात आली आहे.
.png "Videos"){kind=small}
