उन्हाळ्यात गावी जायचंय? Central Railway ने प्रवाशांसाठी केली ‘ही’ मोठी घोषणा

कोकण मार्गावरील प्रवाशांसाठी सीएसएमटी–मडगाव विशेष गाड्यांच्या ४ फेऱ्या चालविण्यात येणार आहेत. या गाड्या ३ व ५ एप्रिल रोजी सीएसएमटीहून सुटून मडगावला पोहोचतील आणि परतीच्या फेऱ्या त्याच दिवशी मडगावहून सुटतील.

मध्य रेल्वेने प्रवाशांसाठी केली घोषणा
उन्हाळ्यात होणाऱ्या गर्दीचा विचार करून निर्णय
एकूण 8 अतिरिक्त विशेष फेऱ्या चालवल्या जाणार

पुणे: उन्हाळी सुट्ट्यांच्या पार्श्वभूमीवर वाढणारी प्रवासी गर्दी लक्षात घेऊन मध्य रेल्वेने प्रवाशांसाठी विशेष गाड्यांची घोषणा केली आहे. एलटीटी–नागपूर, पुणे–नागपूर आणि सीएसएमटी–मडगाव या मार्गांवर एकूण ८ अतिरिक्त विशेष फेऱ्या चालविण्यात येणार (Indian Railway) असून यामुळे प्रवाशांना मोठा दिलासा मिळणार आहे.

एलटीटी–नागपूर दरम्यान गाडी क्रमांक ०१०२१  ही विशेष गाडी ३ एप्रिल रोजी पहाटे १२.५५ वाजता सुटून त्याच दिवशी दुपारी नागपूरला पोहोचणार आहे. परतीसाठी ०१०२२ ही गाडी नागपूरहून त्याच दिवशी रात्री सुटून पुढील दिवशी एलटीटी येथे येणार आहे. या गाड्यांना ठाणे, कल्याण, नाशिक रोड, मनमाड, भुसावळ, अकोला, बडनेरा आणि वर्धा आदी महत्त्वाच्या स्थानकांवर थांबे देण्यात आले आहेत.

पुणे–नागपूर विशेष गाड्याही प्रवाशांसाठी सोयीस्कर ठरणार आहेत. ०१४६७  ही गाडी ३ एप्रिल रोजी पुण्याहून सुटून दुसऱ्या दिवशी सकाळी नागपूरला पोहोचेल, तर  ०१४६८ ही परतीची गाडी ४ एप्रिल रोजी नागपूरहून सुटून त्याच दिवशी रात्री पुण्यात दाखल होईल. या मार्गावर अहमदनगर, कोपरगाव, जळगाव, भुसावळ, शेगाव आणि अकोला येथे थांबे असणार आहेत.

उन्हाळ्याच्या सुट्टीत गावी जायचंय? मग आता चिंता सोडाच; Central Railway ने घेतला ‘हा’ निर्णय

याशिवाय, कोकण मार्गावरील प्रवाशांसाठी सीएसएमटी–मडगाव विशेष गाड्यांच्या ४ फेऱ्या चालविण्यात येणार आहेत. या गाड्या ३ व ५ एप्रिल रोजी सीएसएमटीहून सुटून मडगावला पोहोचतील आणि परतीच्या फेऱ्या त्याच दिवशी मडगावहून सुटतील. रत्नागिरी, चिपळूण, कणकवली, कुडाळ आणि सावंतवाडी रोड या स्थानकांवर या गाड्यांना थांबे देण्यात आले आहेत.या सर्व विशेष गाड्यांचे आरक्षण २४ मार्च २०२६ पासून सुरू होणार असून प्रवासी IRCTC संकेतस्थळ तसेच अधिकृत अॅपद्वारे तिकीट बुक करू शकतात. मध्य रेल्वेच्या या उपक्रमामुळे उन्हाळी हंगामातील प्रवास अधिक सोयीस्कर होणार आहे.

Central Railway ने घेतला ‘हा’ निर्णय

मध्ये रेल्वे पुणे विभागाकडून आगामी उन्हाळी सुट्ट्यांच्या काळात प्रवाशांची होणारी अतिरिक्त गर्दी लक्षात घेऊन,३३४ विशेष शुल्कासह ‘उन्हाळी विशेष गाड्या’ चालवण्याची घोषणा केली आहे. या गाड्या पुणे शहराला गोरखपूर, दानापूर, नागपूर आणि गाझीपूर सिटी यांसारख्या प्रमुख शहरात सोडल्या जाणार आहेत.

Ahilyanagar News: ‘या’ कारणामुळे राहुरी-शनिशिंगणापूर रेल्वेमार्गाला शेतकऱ्यांचा कडाडून विरोध

पुणे – दानापूर दैनिक विशेष ( २१२ फेऱ्या)

गाडी क्रमांक.०१४४९ ही पुणे येथून दि. १.४.२०२६ ते १५.७.२०२६ या कालावधीत दररोज सुटेल (१०६ फेऱ्या).

गाडी क्रमांक. ०१४५० ही दानापूर येथून दि. ३.४.२०२६ ते १७.७.२०२६ या कालावधीत दररोज सुटेल (१०६ फेऱ्या).