नारळाला मागणी; सण-उत्सवांच्या तोंडावर दर कडाडले
पुणे : श्रावण महिन्याला सुरुवात होताच सण-उत्सवांच्या पार्श्वभूमीवर नारळाला मागणी वाढली आहे. ग्राहकांसह हॉटेल, खानावळ, मिठाई आणि केटरिंग व्यावसायिकांकडून विविध प्रकारच्या नारळाची खरेदी वाढल्याने मार्केट यार्डातील घाऊक बाजारात नारळाच्या दरात गेल्या दहा दिवसांत नगामागे तीन ते चार रुपयांची वाढ झाली आहे. येत्या दिवाळीपर्यंत मागणी कायम राहण्याची शक्यता व्यापाऱ्यांनी व्यक्त केली आहे.
श्रावण महिन्यात नागपंचमी, रक्षाबंधन, पोळा यांसह विविध सण आहेत. त्यानंतर गणेशोत्सव, नवरात्र, दसरा आणि दिवाळी असे सण सलग येत असल्याने नारळाची मागणी वाढणार आहे. गणेशोत्सव आणि नवरात्रात देवाला वाहण्यासाठी नारळाची मागणी वाढते. तसेच मिठाई आणि विविध पदार्थ तयार करण्यासाठी ओल्या नारळासह खोबऱ्यालाही मागणी असते. मार्केटयार्डातील भुसार बाजारात दररोज सुमारे दोन ते अडीच लाख नग नारळाची आवक होत आहे. तामिळनाडू, केरळ, कर्नाटक आणि आंध्र प्रदेशातून नारळाची आवक पुण्यात होत आहे.
सध्या पुणे शहर, उपनगर तसेच जिल्ह्यातून नारळाला मोठी मागणी आहे. हॉटेल, खानावळ, मिठाई आणि केटरिंग व्यवसायामुळे नारळाला वर्षभर मागणी असते. मात्र, सण-उत्सवांच्या काळात या मागणीत आणखी वाढ होते. त्यामुळे पुढील काही महिने नारळाच्या बाजारपेठेत तेजी राहण्याची शक्यता आहे. आवक नियमित राहिल्यास सध्याचे दर स्थिर राहतील. मात्र, आवकेत घट झाल्यास नारळाच्या दरात आणखी वाढ होण्याची शक्यता व्यापाऱ्यांनी व्यक्त केली आहे.
महागाई भिडली गगनाला
स्वयंपाकघरापासून ते तुमच्या खिशापर्यंत, महागाईचा दबाव पुन्हा एकदा वाढताना दिसत आहे. सरकारने जारी केलेल्या आकडेवारीने सर्वसामान्य जनतेची चिंता वाढवली आहे. जुलै महिन्यात देशाचा किरकोळ महागाई दर (सीपीआय) वाढून ४.४५% वर पोहोचला आहे, जो याआधीच्या महिन्यात म्हणजेच जूनमध्ये ४.३८% होता. हा आकडा अर्थतज्ज्ञांच्या ४.५०% च्या अंदाजापेक्षा थोडा कमी असला, तरी तो अजूनही भारतीय रिझर्व्ह बँकेच्या ४% च्या निश्चित लक्ष्यापेक्षा सलग वरच आहे.
दिलासादायक ! ऑगस्ट महिन्याच्या सुरुवातीलाच LPG सिलेंडरच्या दरात कपात; थेट 200 रुपयांनी झाला स्वस्त
.png "Videos"){kind=small}
