माळेगाव कारखान्याला या आठ महिन्यात ७० कोटीचा तोटा
सोमेश्वर सहकारी साखर कारखान्याच्या निवडणुकीतील ती सोमेश्वर शेतकरी विकास पॅनलच्या प्रचारसभांमध्ये युगेंद्र पवार यांनी हा आरोप केला. यावेळी युगेंद्र पवार म्हणाले, माळेगाव सहकारी साखर कारखाना हा बारामती तालुक्यातीलच आहे, या कारखान्याचे चेअरमन स्वतः अजितदादा झाले होते. अजितदादांचे निधन होऊन आठ महिने झाले आहेत. मात्र, त्या ठिकाणची काय अवस्था आहे, हे सोमेश्वरच्या सभासदांनी तिथे जाऊन पहावे. या आठ महिन्यांमध्ये ७० कोटी रुपयांचा तोटा झालेला आहे. त्या कारखान्याची डिस्टिलरी बंद आहे, या डिस्टिलरी प्रकल्पाला कुलूप लावलेले आहे.
या आठ महिन्यात त्या ठिकाणी मोठा भ्रष्टाचार झाला आहे, त्यामुळेच माळेगाव कारखान्याच्या डिस्टिलरी कारखान्यावर शेखर गायकवाड या प्रशासकाची नियुक्ती करण्यात आली आहे. एखादा कारखाना आजारी पडायला वेळ लागत नाही. आठ महिन्यात माळेगावची ही अवस्था होत असेल तर सोमेश्वरच्या सभासदांनी याचा विचार करावा.एक टर्म पाच वर्षाची असते. त्यामुळे सोमेश्वर कारखान्याच्या सुज्ञ सभासदांनी या सर्व बाबींचा विचार करण्याची आवश्यकता आहे.
पवार साहेबांच्या माध्यमातून नवी दिशा मिळणार
सोमेश्वर सहकारी साखर कारखान्याला पवार साहेबांच्या माध्यमातून नवी दिशा मिळणार आहे. ही निवडणूक शेतकऱ्यांच्या प्रपंच्याशी निगडित आहे. अजितदादा असताना सोमेश्वर कारखाना व्यवस्थित चालला, मात्र आज अजितदादा नाहीत, त्यावेळी अडचण आलेल्या ठिकाणी स्वतः पवार साहेब देखील सोमेश्वर कारखान्याला मदत करत होते. यापुढे देखील त्यांचे मार्गदर्शन कारखान्याला मिळणार असल्याचे युगेंद्र पवार यांनी यावेळी सांगितले. यावेळी श्री सोमेश्वर शेतकरी विकास पॅनलच्या उमेदवारांसह इतर सभासद उपस्थित होते.
.png "Videos"){kind=small}
