एसटी बसचं रुप पालटणार, २१५ नवीन लालपरी ताफ्यात दाखल होणार

राज्य परिवहन (एसटी) महामंडळाच्या ताफ्यात पाच हजार ५४० नव्या साध्या बस दाखल करण्यासाठी महामंडळाने वेगाने सुरुवात केली आहे. यातील पहिल्या टप्प्यातील गाड्या दिवाळीपूर्वी दाखल होणार असल्याने सणासुदीच्या काळातील एसटी प्रवास सुकर होणार आहे.

एसटी बसचं रुप पालटणार, २१५ नवीन लालपरी ताफ्यात दाखल होणार (फोटो सौजन्य-X )

Follow Us:

Follow Us:

राज्य परिवहन (MSRTC) महामंडळाच्या हजारो बसेस नादुरुस्त आहेत. या नादुरुस्त बसेसमुळे प्रवाशांची गैरसोय होत आहे. सदोष बस अनेकदा रस्त्यावर थांबते आणि प्रवासी अडकून पडतात. त्यामुळे आता एसटीच्या ताफ्यात अशोक लेलँडच्या साध्या डिझेलवर धावणाऱ्या बसेस दाखल होणार आहेत. साधारणपणे ऑक्टोबरमध्ये 50 ते 100 नवीन बस एसटीच्या ताफ्यात दाखल होणार आहेत. दिवसेंदिवस वाढणारी प्रवाशी संख्या आणि अपुऱ्या बसेस संख्येमुळे नवीन बस खरेदी करण्याचा निर्णय घेण्यात आला. या नवीन बसेसची संख्या साधारण 215 असून शकते.

एसटी महामंडळाच्या 15 हजार 800 बसेस सध्या धावत आहेत. मात्र, यापैकी अनेक बस खिळखिळ्या झाल्या असून या बसमुळे मोठा अपघात होण्याची शक्यता आहे. त्यामुळे एसटीने नवसाध्या डिझेल बस घेण्याचा निर्णय घेतला आहे. या नव्या बस ग्रामीण भागातील वाहतुकीसाठी फायदेशीर ठरेल, असा आशावाद व्यक्त करण्यात आला आहे.

एसटी महामंडळ अशोक लेलँड कंपनीकडून दोन हजार ५०० स्वमालकीच्या डिझेलवर धावणाऱ्या बस खरेदी करणार आहे. या बस गाड्यांची मूळ प्रतिकृती तयार करण्यात आली आहे. हे विविध चाचण्यांद्वारे प्रमाणित केले गेले आहेत. तिरुचिरापल्ली (तामिळनाडू) येथील कंपनीच्या कारखान्यात १० सप्टेंबर रोजी त्याची अंतिम तपासणी केली जाईल. ऑक्टोबरमध्ये सुमारे 50 ते 100 बसेस आणि एसटीचा ताफ्यात दाखल होणार आहेत. तसेच नोव्हेंबरपासून 150 ते 300 बसेसचा प्रवास सुरू होणार आहे. त्यामुळे प्रवाशांचा एसटी श्रेणीतून प्रवास सुरू राहणार असल्याचे एसटी महामंडळाच्या वरिष्ठ अधिकाऱ्याने सांगितले.

तसेच एसटी महामंडळाने भाडेतत्त्वावर नव्या एक हजार 310 बस घेण्यासाठी निविदा प्रसिद्ध केली आहे. त्यानुसार मुंबई, पुणे, छत्रपती संभाजी नगर, नाशिक, अमरावती, नागपूर येथे नवीन एसटी भरतीसाठी निविदा भरण्यासाठी इच्छुकांना आवाहन केले आहे. एसटी महामंडळ आणि खासगी बसपुरवठादार यांच्यात सात वर्षांचा करार करण्यात येईल. साध्या बसमधील चालक, इंधन आणि देखभालीचा जबाबदारी खासगी संस्थेची असणार आहे. संबंधित संस्थेला महामंडळाकडून किलोमीटप्रमाणे भाडे देण्यात येणार आहे.

मुंबई-पुणे दरम्यान ई-शिवनेरी आणि शिवशाही आराम बसेसमध्ये भाडे तत्त्वाचा वापर यशस्वी ठरत आहे. त्यामुळे राज्यातील साध्या म्हणजेच लालपरिचीची कमतरता तात्काळ भरून काढणे शक्य होणार असून टंचाई काळात प्रवासी नव्या बसने प्रवास करत राहणार आहेत. राज्य सरकारने दोन हजार 200 साध्या गाड्या खरेदीसाठी निविदा प्रक्रिया पूर्ण केली असली तरी त्यासाठी निधी उपलब्ध करून दिलेला नाही. पहिल्या टप्प्यात 300 गाड्या दिवाळीपूर्वी स्थलांतरितांना सेवा देण्यासाठी वापरल्या जातील.

Web Title: Pune division of st will get 215 new st bus msrtc

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com