पुणेकरांसाठी गूड न्यूज! गणेशोत्सवात मेट्रोच्या फेऱ्या वाढणार; रात्री 2 अन् अनंत चतुर्दशीला सलग 41 तास…

Pune Metro: गणेशोत्सवातील गर्दीच्या काळात नागरिकांना सार्वजनिक वाहतुकीचा अधिकाधिक वापर करता यावा, यासाठी मेट्रोच्या फेऱ्यांचा कालावधी वाढविण्यात आला आहे.

• गणेशोत्सवात पुणे मेट्रोची सेवा रात्री २ वाजेपर्यंत
  
• १७ ते २४ सप्टेंबरदरम्यान विशेष वेळापत्रक
• अनंत चतुर्दशीला ४१ तास सेवा सुरू राहणार

पुणे/Pune Metro: गणेशोत्सवाच्या काळात प्रवाशांची वाढती गर्दी लक्षात घेऊन पुणे मेट्रोने विशेष वेळापत्रक जाहीर केले आहे. १४ ते १६ सप्टेंबरदरम्यान मेट्रोची सेवा नियमित वेळेनुसार सकाळी ६ ते रात्री ११ वाजेपर्यंत सुरू राहणार आहे. त्यानंतर १७ ते २४ सप्टेंबरदरम्यान मेट्रोची सेवा सकाळी ६ ते मध्यरात्री २ वाजेपर्यंत उपलब्ध राहणार आहे.

चोरीपासून सावध

गणेशोत्सवातील मेट्रो सेवा

Pune Ganeshotsav DJ Ban Row: गणपतीत DJ वाजणार की बंद होणार? पुणे पोलिसांचं मोठं वक्तव्य

मेट्रोला मिळणारा वाढता प्रतिसाद आणि प्रवाशांची वाढती गर्दी लक्षात घेऊन महामेट्रोने गणेशोत्सवापासून गर्दीच्या वेळेत मेट्रोची वारंवारता वाढविण्याचे नियोजन केले आहे. त्यानुसार गर्दीच्या वेळेत दर पाच मिनिटांनी मेट्रो धावणार आहे. या नियोजनाची गेल्या तीन दिवसांपासून चाचणी सुरू असून, चाचण्या यशस्वी होत असल्याचे महामेट्राकडून सांगण्यात आले.