Mutha River Revitalization Project: पुणेकरांची पुराची समस्या संपणार! काय आहे पुणे महापालिकेचा मुठा नदी पुनरुज्जीवन प्रकल्प?

प्रकल्पाची वैशिष्ट्ये

नदी पुनरुज्जीवन प्रकल्पांतर्गत स्ट्रेच-६ (वडगाव खुर्द ते राजाराम पूल) वर खालील कामे केली जातील. दोन्ही बाजूंनी बंधारे बांधून पूर सहन करण्याची क्षमता वाढवणे, नागरिकांसाठी मार्ग आणि घाट विकसित करणे आणि नदीकाठचे सुशोभीकरण करणे हा यामागील उद्देश आहे. महापालिकेचे म्हणणे आहे की ही कामे नदीकाठच्या वस्त्यांना पुरापासून कायमस्वरूपी संरक्षण देतील.

आपत्ती निवारणाची तयारी

या प्रकल्पाचा प्रारंभिक खर्च ३०० कोटी रुपये असण्याचा अंदाज होता. परंतु सविस्तर पूर्व-गणना पत्रक तयार केल्यानंतर, त्याची किंमत ३६९ कोटी रुपयांपर्यंत वाढली आहे. महापालिकेच्या मते, पुणे शहराचे दीर्घकालीन पुरासारख्या आपत्तींपासून संरक्षण करण्यासाठी आणि नागरिकांसाठी सुरक्षित वातावरण निर्माण करण्यासाठी ही गुंतवणूक महत्त्वाची ठरेल.

Bandu Andekar News: पुणे पोलिसांची बंडू आंदेकरच्या घरावर धाड; सापडलं मोठं घबाड

पावसाचे पाणी वस्त्यांमध्ये  

बंडगार्डन ते मुंढवा हे काम वेगाने सुरू आहे. आता महानगरपालिकेने सिंहगड रस्त्यावरील वडगाव खुर्द ते राजाराम पूल असा ४.१ किमी लांबीचा मार्ग विकसित करण्याचा निर्णय घेतला आहे. २४ आणि २५ जुलै २०२४ रोजी झालेल्या मुसळधार पावसामुळे साखळी धरणात मोठ्या प्रमाणात पाणी साचले होते. धरणातून मोठ्या प्रमाणात पाणी सोडल्यामुळे पुणे शहर, विशेषतः सिंहगड रोड परिसरातील सखल भाग, एकतानगर, विठ्ठलनगर आणि निंबाजनगर पाण्याखाली गेले.

अनेक इमारती आणि वस्त्यांमध्ये पाणी साचल्याने जनजीवन विस्कळीत झाले. त्यावेळी तत्कालीन मुख्यमंत्री एकनाथ शिंदे यांनी येथे भेट दिली आणि पूरग्रस्तांना सर्वतोपरी मदत करण्याचे आश्वासन दिले. पण त्यानंतरही  २०२५ मध्येही काही सोसायट्यांमध्ये पुराचे पाणी शिरले, ज्यामुळे नागरिकांमध्ये चिंता वाढली. या सर्व घटनांनंतर महापालिकेने या प्रकल्पासाठी आपत्ती व्यवस्थापन निधीतून सरकारकडे ३०० कोटी रुपयांची मागणी केली आहे.

संबंधित बातम्या