वाघोली पोलीस ठाण्यातील तीन पोलिसांचे तडकाफडकी निलंबन; धक्कादायक कारणही समोर
पोलिस हवालदार किरण अब्दागिरे, पोलिस शिपाई गणेश खाडे आणि किरण कांबळे अशी निलंबीत केलेल्या पोलिसांची नावे आहेत. परिमंडळ सातचे पोलिस उपायुक्त सोमय मुंडे यांनी याबाबतचे आदेश दिले आहेत. अब्दागिरे, खाडे आणि कांबळे हे तिघे वाघोली पोलिस ठाण्यात नेमणूकीस आहेत. गेल्या आठवड्यात (दि. २ एप्रिल) खाडे आणि कांबळे हे दोघे वाघोली गावठाण बिट मार्शल म्हणून कर्तव्यावर होते.
दरम्यान, रात्री साडे अकरा वाजताच्या सुमारास त्यांना नियंत्रण कक्षाकडून (डायल ११२) कॉल आला की, वाघोलीतील एका सोसायटीत काही मुले रुमवर राहतात आणि मुली आणून व्हिडीओ तयार करतात. त्यानुसार खाडे आणि कांबळे हे दोघे तेथे गेले. तेथील एका २४ वर्षीय तरुणाला घेऊन हे दोघे पोलिस ठाण्यात आले. त्या रात्री ठाणे अंमलदार म्हणून अब्दागिरे हे कर्तव्यावर होते. कॉलच्या अनुषंगाने जर असा काही प्रकार होता तर, योग्य ती कार्यवाही करणे गरजेचे होते. मात्र तिघांनी अशी कोणतीच कार्यवाही केली नाही. उलट अब्दागिरे यांनी तरुण-तरुणीला तुमच्याविरुद्ध गुन्हा दाखल करून सेक्स रॅकेटमध्ये अडकवितो, तुमची नोकरी घालवितो, नातेवाईकांना बोलावून घेतो अशा धमक्या दिल्या. तर खाडे याने तरुणाला हाताने चापटा मारल्या.
पोलिस दलात खळबळ
तिघा पोलिसांनी पैसे उकळण्याच्या उद्देशाने हा प्रकार केला आहे. त्यानंतर या दोघा आयटी अभियंता तरुण-तरुणीने पोलिस आयुक्त अमितेश कुमार यांच्याकडे धाव घेत तक्रार केली. प्राथमिक चौकशीत या तिन पोलिसांचा रात्रीचा कारनामा समोर आला. त्यानंतर आयुक्तांनी त्यांच्या निलंबनाचे आदेश दिले.
.png "Videos"){kind=small}
