‘शिलार धरण नकोच’; शेतकऱ्यांचा विरोध तीव्र, आता थेट मुख्यमंत्र्यांकडे मांडणार गाऱ्हाणे
कर्जत तालुक्यातील प्रस्तावित शिलार धरण प्रकल्प हा कायमचा हद्दपार करण्यासाठी हा धरण मंजूर झाल्यापासून टोकाचा विरोध केला. धरण होणार असलेल्या गावे आणि आदिवासी वाड्यामधील शेतकऱ्यांनी शिलार धरण विरोधातील आंदोलन केली आहेत. त्याचवेळी मोठा मोर्चा कर्जत तहसील कार्यालयावर काढला आहे. तरीदेखील जमीन मोजणीची कामे हाती घेण्यात आली आहेत.
Karjat : नेरळमधील उपोषण दुसऱ्या दिवशीही सुरू; ग्रामपंचायतीच्या उत्तरावर उपोषणकर्ते असमाधानी
त्यामुळे आता शेतकऱ्यांनी गाव बैठका घेऊन आपली शेती आणि जंगल वाचवण्यासाठी चिल्हार नदीवर होऊ घातलेले शिलार धरण हद्दपार करण्यासाठी पुढाकार घेतला आहे. त्यासाठी कर्जत तालुक्यातील सर्व राजकीय पक्षांचे नेत्यांच्या गाठीभेटी घेऊन धरण नको म्हणून भूमिका स्पष्ट केली जाणार आहे.
शिलार धरण हद्दपार ही मोहीम एक ऑक्टोबर पासून सुरू होणार आहे. धरण होऊ घातलेल्या क्षेत्रातील हजारो शेतकरी कर्जत येथे पोहचणार आहेत. प्रथम आमदार महेंद्र थोरवे आणि नंतर कर्जत तालुक्यातील सर्व पक्षीय राजकीय नेत्यांसोबत बैठक आहे उद्या एक- एक पायरी चढत आपण सर्व शिलार धरण प्रकल्पग्रस्त शेतकरी राज्याचे मुख्यमंत्री देवेंद्र फडणवीस यांच्याकडे सोबतच्या बैठकीची पायरी चढत नाही तोपर्यंत आपण स्वस्थ बसणार नाही. प्रस्तावित शिलार धरण कायमचा हद्दपार होत पर्यंत शिलार धरणाचे काम थांबविण्याची ताकद आमदार महेंद्र थोरवे आणि कर्जत मधील तमाम राजकीय नेत्यांची भेट घेऊन सहकार्य करण्याचे आवाहन केले जाणार आहे.
शिलार धरण प्रकल्प (Shilar Dam Project) हा रायगड जिल्ह्यातील कर्जत तालुक्यात किकवी जवळ चिल्हार (शिलार) नदीवर उभारण्यात येत असलेला एक महत्त्वाचा पाणीपुरवठा प्रकल्प आहे. जलसंपदा विभागाने या प्रकल्पाच्या प्रत्यक्ष बांधकामासाठी महालक्ष्मी – एसईएल (जेव्ही) या कंत्राटदार कंपनीला कार्यादेश (Work Order) दिले असून, पुढील ५ वर्षांत काम पूर्ण करण्याचे लक्ष्य आहे. स्थानिक पातळीवर शेतकरी आणि ग्रामस्थांकडून जमिनी व पर्यावरण रक्षणासाठी या प्रकल्पाला काहीसा विरोध व आंदोलने होत आहेत.
KARJAT: कोंढाणेच्या जमिनीवरून थोरवेंवर घारेंचा हल्लाबोल; ED चौकशीची मागणी
.png "Videos"){kind=small}
