
दुष्काळात रोटी गावाला मोठा दिलासा; जनाई शिरसाई योजनेचे पाणी अखेर तलावात दाखल
रोटी गावच्या तलावात पाणी सोडण्यात यावे यासाठी ग्रामस्थ मागील काही दिवसांपासून पाटबंधारे विभागाकडे पत्रव्यवहार करीत होते. यासंदर्भात खासदार सुप्रिया सुळे आणि आमदार राहुल कुल यांनी लक्ष घालण्याची मागणी ग्रामस्थांनी केली होती. अखेर खासदार सुप्रिया सुळे, आमदार राहुल कुल यांनी दखल घेत जनाई शिरसाई योजनेच्या माध्यमातून पाणी सोडण्यासाठी पाटबंधारे विभागाला पत्र दिले होते. दरम्यान, ग्रामस्थांनी लोकवर्गणी आणि गावातील युवकांनी घेतलेले अहोरात्र कष्ट यामुळे पाण्याचा प्रवास तलावापर्यंत पोहोचला आहे.
रोटी गावच्या तलावापर्यंत पाणी पोहोचविण्याच्या मार्गात कालव्याची गळती ही मोठी अडचण ठरत होती. ही समस्या दूर करण्यासाठी खासदार सुप्रिया सुळे यांनी गळतीच्या ठिकाणी प्लास्टिक आच्छादन (लायनिंग) उपलब्ध करून दिले. कालवा दुरुस्तीच्या कामासाठी ग्रामस्थांनी लोकवर्गणीच्या माध्यमातून आर्थिक हातभार लावला. तर गावातील युवकांनी पाणी तलावापर्यंत पोहोचेपर्यंत सातत्याने मेहनत आणि पाठपुरावा केला.
या सर्वांच्या सामूहिक प्रयत्नांमुळे अखेर तलावात पाणी दाखल झाले आहे. मात्र तलावात पुरेसा पाणीसाठा निर्माण होण्यासाठी आणि गावाची पाण्याची गरज भागविण्यासाठी कालव्यातून किमान १० ते १२ दिवस सलग पाणी सोडणे आवश्यक आहे. त्यामुळे जलसंपदा विभाग आणि संबंधित प्रशासनाने रोटी गावच्या पाण्याच्या प्रश्नाचे गांभीर्य लक्षात घेऊन पुढील १० ते १२ दिवस अखंडित पाणी सोडावे, अशी मागणी ग्रामस्थांनी केली आहे. तलावात पाणी दाखल झाल्याने समाधान व्यक्त केले असून मे महिन्यापर्यंत पुरेल एवढा पाणीसाठा तलावात उपलब्ध होणे आवश्यक असल्याचे मत ग्रामस्थांनी व्यक्त केले.
Ans: जनाई शिरसाई योजनेच्या प्रकल्पातून रोटी गावच्या तलावात पाणी पोहोचले आहे.
Ans: कालव्याच्या गळतीच्या ठिकाणी प्लास्टिक आच्छादन (लायनिंग) करण्यात आले. ग्रामस्थांनी लोकवर्गणी दिली, तर गावातील युवकांनी अहोरात्र मेहनत आणि पाठपुरावा केला.
Ans: तलावात पुरेसा पाणीसाठा निर्माण होण्यासाठी पुढील १० ते १२ दिवस कालव्यातून अखंडित पाणी सोडावे, अशी मागणी ग्रामस्थांनी जलसंपदा विभागाकडे केली आहे.