गुरुवार, 8 ऑक्टोबर 2026
आश्रमशाळेच्या बांधकामात निकृष्ट दर्जाचे साहित्य वापरल्याचा आरोप; चौकशीची मागणी जोर धरणार?
कर्जत तालुका आदिवासी तालुका म्हणून ओळखला जातो. या तालुक्यात आदिवासी मुलांच्या शिक्षणाची जबाबदारी घेण्यासाठी शासनाने आदिवासी विकास विभागाचे माध्यमातून शासकीय आश्रमशाळा चालवल्या जातात. कर्जत तालुक्यात चाफेवाडी, भालीवडी,पिंगळस आणि पाथरज या ठिकाणी शासकीय आदिवासी आश्रमशाळा आहेत. यातील चाफेवाडी येथील शासकीय आश्रमशाळा इमारत आणि वसतिगृह बांधण्याचे काम मंजूर व्हावे यासाठी कर्जतचे आमदार महेंद्र थोरवे यांनी शासन दरबारी प्रयत्न केले.त्यानंतर तेथील तिनमजली शाळेच्या इमारतीसाठी सहा कोटी आणि वसतिगृह इमारतीच्या बांधकामासाठी सव्वा आठ कोटी मंजूर झाले आहेत.
ही कामे मंजूर व्हावीत यासाठी कर्जत चे आमदार थोरवे यांचे प्रयत्न मात्र त्या ठिकाणी केली जाणारी कामे ही ठाणे जिल्ह्यातील ठेकेदार करीत आहेत.या दोन्ही इमारतींचे बांधकामासाठी साधारण १५ कोटींचा निधी मंजूर आहे.पण ठेकेदार यांच्याबरोबर त्या कामांवर देखरेख ठेवण्याची जबाबदारी देखील ठाणे जिल्ह्याच्या बांधकाम विभागावर देण्यात आली आहे.कर्जत तालुक्यात सार्वजनिक बांधकाम विभागाचे उप विभागीय कार्यालय असताना ठाणे जिल्ह्यातील सार्वजनिक बांधकाम विभागाच्या अखत्यारीत कर्जत तालुक्यातील शासकीय आश्रमशाळा यांच्या कामांची जबाबदारी कशी? असा प्रश्न समोर आला आहे.
ठाणे जिल्ह्यातील बांधकाम खात्याच्या अधिकाऱ्यांकडे रायगड जिल्ह्यातील कर्जत तालुक्यातील बांधकाम खात्याकडे आश्रमशाळा यांच्या इमारतीचे जबाबदारी देण्यात आल्याने तेथे नित्कृष्ट दर्जाची कामे सुरू आहेत. बांधकाम खात्याचे अधिकारी ठाणे येथून कर्जत येथे कसे येणार असा प्रश्न असून अधिकारी वर्ग आश्रमशाळा येथे पाहण्यासाठी येत नसल्याने आश्रमशाळेच्या वसतिगृह आणि शाळेचे इमारतीचे काम नित्कृष्ट दर्जाचे सुरू आहे.त्या ठिकाणी असलेल्या शाळा व्यवस्थापन समितीचे अध्यक्ष प्रदीप गोरे यांनी बांधकामाला जोरदार आक्षेप घेतला आहे.तेथे बांधकामासाठी आणलेल्या विटा हातातून पडल्यावर लगेच तुटत आहेत.
तर वसतिगृह इमारतीच्या पोर्च चे काम सुरू आहे,तेथे खोल खड्डा असून तेथे कोणी विद्यार्थी रात्रीच्या अंधारात पडला तर हाडे तुटल्याशिवाय राहणार नाही.त्यामुळे अशा प्रकारच्या बांधकामासाठी नियोजन करणाऱ्या सार्वजनिक बांधकाम विभागाचे अधिकाऱ्यांनी कसे नियोजन केले असा जाहीर प्रश्न केले आहेत.आश्रमशाळेत शिकणारे विद्यार्थी आदिवासी असून नित्कृष्ट दर्जाचे बांधकाम झाले असून ते बांधकाम भविष्यात कोसळले तर काय होणार? असा प्रश्न पालकांनी केला आहे.या नित्कृष्ट कामामुळे भविष्यात इमारत कोसळली तर आदिवासी समाजाचे विद्यार्थी यांचे बळी जाऊ शकतात.
कर्जत तालुक्यातील आदिवासी आश्रमशाळा येथील बांधकामे ठाणे जिल्ह्यातील अधिकारी पाहणी करतात.आपल्या आमदारांनी अशी खराब कामे रोखण्यासाठी तत्काळ लक्ष घालावे अशी विनंती आहे, अशी माहिती प्रदीप गोरे यांनी दिली.
