Karjat News : तांत्रिक बिघाडाचा फटका; पर्यायी रस्त्यांच्या दुरवस्थेमुळे नागरिकांचे हाल, उड्डाणपुलाचा प्रश्न पुन्हा ऐरणीवर

नेरळ रेल्वे गेट क्रमांक 21 तांत्रिक कामासाठी सलग चार दिवस बंद ठेवण्याचा निर्णय रेल्वे प्रशासनाने घेतला आहे. मात्र यामुळे प्रवाशांचे अतोनात हाल होताना दिसून येत आहे.

• रेल्वेप्रशासनाचा भोंगळ कारभार;
• पर्यायी रस्त्यांच्या दुरवस्थेमुळे नागरिकांचे हाल,
• उड्डाणपुलाचा प्रश्न पुन्हा ऐरणीवर

नेरळ, संतोष पेरणे :  रेल्वे गेट क्रमांक 21 तांत्रिक कामासाठी सलग चार दिवस बंद ठेवण्याचा निर्णय रेल्वे प्रशासनाने घेतला आहे. 6 जानेवारी रोजी रात्री 10 वाजेपासून ते 9 जानेवारी सकाळी 8  वाजेपर्यंत हे रेल्वे फाटक सर्व प्रकारच्या वाहनांसाठी बंद राहणार आहे. मात्र, रेल्वे प्रशासनाच्या या निर्णयामुळे स्थानिक नागरिकांमध्ये आणि वाहनचालकांमध्ये तीव्र संताप व्यक्त होत आहे. दरम्यान वाहतुकीचा खोळंबा आणि पर्यायी रस्त्यांची स्थिती अत्यंत बिकट आहे. वाहनचालकांना आता दामत रेल्वे गेट ते आंबिवली रेल्वे गेट असा वळसा घालून प्रवास करावा लागणार आहे. विशेष म्हणजे, या पर्यायी मार्गांवर सध्या रस्त्यांची कामे सुरू असल्याने मोठी वाहतूक कोंडी पाहायला मिळणार आहे.

Raigad News: वनखात्याच्या कात्रीत अडकले माथेरानचे विकासकाम! वाड्यांना जोडणाऱ्या रस्त्याचा प्रकल्प रखडला
​

गेल्या अनेक वर्षांपासून नेरळ येथील रेल्वे उड्डाणपुलाचे काम रखडलेले आहे. वारंवार रेल्वे गेट मध्ये होणारे तांत्रिक बिघाड आणि आता थेट चार दिवस बंद असल्यामुळे नेरळकरांच्या सहनशीलतेचा अंत होत आहे. रेल्वे प्रशासनाने हे काम लवकरात लवकर पूर्ण करावे आणि रखडलेल्या उड्डाणपुलाबाबत ठोस पावले उचलावीत, अशी मागणी आता जोर धरू लागली आहे.

​नागरिकांची नाराजी

नेहमीच तांत्रिक कामाचे कारण सांगून फाटक बंद केले जाते. आता तर सलग चार दिवस फाटक बंद राहणार असल्याने आमचे दैनंदिन नियोजन कोलमडणार आहे. पर्यायी रस्त्यांची अवस्था पाहता प्रशासनाने आधी त्यांचे नियोजन करायला हवे होते.

Raigad News: राजकारणात मोठा ट्विस्ट! जिल्हा परिषद निवडणूक मित्रपक्षांसोबतच लढवणार, सुनील तटकरेंची मोठी घोषणा