Raigad News: कर्जतच्या पर्यटनाला मिळणार नवी दिशा? तालुका ओला-उबरसाठी खुला करण्याची भूमिपुत्र संघटनेची मागणी

कर्जत तालुक्यातील वाढत्या फार्म हाऊस पर्यटनाला चालना देण्यासाठी ओला-उबर सेवा उपलब्ध करून देण्याची मागणी करण्यात आली आहे. सध्या पर्यटकांना कर्जतमध्ये सोडण्याची सुविधा असली तरी परतीच्या प्रवासासाठी वाहन उपलब्ध होत नसल्याने गैरसोय होत आहे.

• पर्यटकांच्या सोयीसाठी कर्जत तालुका ओला-उबरसाठी खुला करण्याची मागणी.
• सध्या ओला-उबरकडून पर्यटकांना कर्जतमध्ये ‘ओन्ली ड्रॉप’ सेवा मिळत असल्याने परतीच्या प्रवासाचा प्रश्न निर्माण होतो.’
• स्थानिक वाहनचालकांनी ओला-उबरमध्ये सहभागी झाल्यास पर्यटकांना सुविधा आणि चालकांना व्यवसाय मिळेल.

कर्जत: कर्जत तालुका पर्यटन तालुका म्हणून पुढे आला आहे. तालुक्यातील शेतकऱ्यांनी शेतघरे उभी केली असून तालुक्यातील शेतकऱ्यांची किमान दोन हजारहून अधिक शेतघरे असून त्या ठिकाणी फार्म हाऊस पर्यटनासाठी खुली केली आहेत. या ठिकाणी स्थानिकांना रोजगार मिळत असून मागील काही वर्षांपासून स्थानिक प्रवासी वाहतूक करणारे वाहनचालक यांनी मुंबई पुणे सारख्या शहरातून येणाऱ्या ओला उबेर या वाहनांना पर्यटकांना सेवा देण्यास विरोध केला आहे. दरम्यान कर्जत तालुक्यातील पर्यटन वाढीसाठी ओला उबेर यांना सेवा देण्याची मागणी कर्जत भूमिपुत्र फार्म हाऊस संघटना यांनी केली आहे.

14 बोगदे, 93 पूल अन्…; पुण्यात 52 हजार कोटींच्या रिंग रोडचे काम वेगाने सुरु

पर्यटकाला वाहने उपलब्ध होणे गरजेचे

सध्या स्पर्धेचे युग असून या स्पर्धेच्या युगात मोठ्या प्रमाणात ऑनलाईन सेवा ग्राहकांना मिळत असून ग्राहक देखील अशा ऑनलाईन सेवेवर खुश आहे. ऑनलाईन सेवा देणाऱ्या साधनांना स्पर्धेच्या आणि डिजिटल युगात मोठे आर्थिक पाठबळ मिळताना दिसत आहे. कर्जत तालुका देशाच्या पर्यटनाच्या नकाशात पर्यटन म्हणून पुढे आला आहे. कर्जत तालुक्यात स्थानिक शेतक-यांनी फार्म हाऊस उभी करून पर्यटन व्यवसाय सुरु केले आहेत. त्या व्यवसायात स्थानिक तरुणांना रोजगार देखील उपलब्ध झाला आहे. अशावेळी आता पर्यटक हा रात्री अपरात्री कधीही येत असतो आणि त्यावेळी त्या पर्यटकाला वाहने उपलब्ध होणे गरजेचे असते. (फोटो सौजन्य – AI Created) 

ओला उबर चालक पर्यटकांना ओन्ली ड्रॉप

काही प्रसंग घडल्यास हा पर्यटक रात्री देखील आपल्या घरी परत जात असतो आणि त्यावेळी त्या पर्यटकाला वाहन उपलबध होत नाही. स्थानिक वाहनचालक हे रात्रीच्या वेळी सेवा उपलब्ध करून देत नसल्याने ओला उबेरवर अवलंबून राहावे लागते. पण कर्जत तालुक्यात ओला उबेर यांना पर्यटकांना आणून सोडण्याची मुभा आहे. परत नेण्याची मुभा नाही आणि त्यामुळे ओला उबेरकडून कर्जत तालुक्यात पर्यटकांना ओन्ली ड्रॉप या प्रकारात पर्यटकांना कर्जत तालुक्यात सोडण्याचे भाडे मिळतात. पुन्हा नेण्यासाठी ओला उबेरकडून कर्जत तालुक्यासाठी भाडे मिळत नसल्याने त्यांची वाहने येत नाही. त्यामुळे कोणत्याही वेळी पर्यटकांना कर्जत तालुक्यातून निघता येत नाही.

निवृत्त कर्मचाऱ्यांना मोठा दिलासा! शेवटच्या वर्षातील वेतनवाढ नाकारणे चुकीचे; थकबाकी देण्याचे आदेश

उबर वाहनांसाठी कर्जत तालुका खुला करावा

परिणामी पर्यटक हे अडकून पडतात आणि त्यामुळे त्याचा थेट परिणाम येथील पर्यटन व्यवसायावर होत असल्याचे फार्म हाऊस रिसॉर्ट चालक यांचे म्हणणे आहे. ही बाब लक्षात घेऊन आणि कर्जत तालुक्यातील पर्यटन वाढावे यासाठी भूमिपुत्र संघटना यांच्याकडून अध्यक्ष उदय पाटील यांनी ओला उबेर वाहनांसाठी कर्जत तालुका खुला करावा अशी मोहीम हाती घेतली आहे. कर्जत तालुक्यातील पर्यटन आपल्या तालुक्यातील प्रवासी वाहतूक करणारे कार चालक यांनी ओला उबेर सुरु करावी अशी सूचना केली आहे. आपल्या तालुक्यातील वाहनचालक यांनी आता ओला उबेर सुरु करून आपल्या तालुक्यात बाहेरचे वाहनचालक यांची वाहने येणार नाहीत यांची काळजी घेतल्यास पर्यटकांना सेवा मिळेल आणि आपल्या तालुक्यातील कार चालक यांना चांगला व्यवसाय मिळेल असे मत भूमिपुत्र संघटनेचे आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)