Raigad News: कर्जतमध्ये शिंदे गटाला धक्का! गणेश मुंढेंचा समर्थकांसह उबाठात प्रवेश; राजकीय समीकरणे बदलणार
शिवसेना उबाठा पक्षाच्या ‘शिवालय’ कार्यालयाच्या सभागृहात आयोजित या आढावा बैठक व पक्षप्रवेश सोहळ्याला उपनेते बबन पाटील, मावळ संपर्कप्रमुख प्रसाद भोईर, जिल्हाप्रमुख तथा माजी आमदार मनोहर भोईर, उपजिल्हाप्रमुख नितीन सावंत, जिल्हा महिला आघाडी प्रमुख सुवर्णा जोशी, जिल्हा परिषद सदस्य सुनीता मोरे, उपसभापती चित्रा ठाकरे यांच्यासह अनेक प्रमुख पदाधिकारी व कार्यकर्ते मोठ्या संख्येने उपस्थित होते. (फोटो सौजन्य – AI Created)
“हल्ली आमदारांना शिवसेनेबद्दल जास्तच प्रेम वाटू लागले आहे. मात्र ते गोव्याला टेबलावर नव्हे तर शिवसैनिकांच्या हृदयावर नाचले, तेव्हा शिवसैनिक आठवले नाहीत. हे आम्ही विसरू शकत नाही. टोरंटला सर्व थरांतून विरोध होत आहे. या प्रकल्पासाठी लाखो झाडांची कत्तल होणार आहे. त्यामुळे तालुका भकास होणार आहे.”, असं म्हणत उपजिल्हाप्रमुख नितीन सावंतांनी टोरंट प्रकल्पावरून टिकेची झोड उठवली.
उपजिल्हाप्रमुख नितीन सावंत यांनी ५०-५० च्या मुद्द्यावरून सत्ताधाऱ्यांवर टीका केली. “मध्यंतरी फिफ्टी फिफ्टीचा आवाज ऐकू आला होता. आम्ही त्यामध्ये नाही. निष्ठावंत शिवसैनिक कधीच मॅनेज होणार नाही. आम्ही आमची ताकद दाखवून देऊ. गणेश मुंढे आणि त्यांच्या सहकाऱ्यांच्या प्रवेशामुळे आपली ताकद निश्चित वाढणार आहे. भविष्यातही विविध ग्रामपंचायतींमधून प्रमुख कार्यकत्यांचे पक्ष प्रवेश होणार आहेत. दिवाळी नंतर मोठा मेळावा आयोजित करण्यात येईल असे जाहीर केले.
“शिवसेना हा अथांग समुद्र आहे, काहीजण गेल्याने फरक पडत नाही. ज्यांना पश्चाताप झाला आहे, त्यांनी लवकरात लवकर स्वगृही यावे”, असे आवाहन करत टोरंट प्रकल्पाविरोधात उद्धव व आदित्य ठाकरे यांच्या नेतृत्वात तीव्र लढा उभारला जाईल, अशी घोषणा त्यांनी केली.
आम्ही उद्धव ठाकरे यांचे हात मजबूत करण्यासाठी आणि खऱ्या अर्थाने शिवसैनिकांच्या विचारांशी प्रामाणिक राहून काम करण्यासाठी स्वगृही आलो आहोत. आगामी काळात पक्षाच्या वाढीसाठी पूर्ण ताकदीने झटणार. – गणेश मुंढे, प्रसिद्ध उद्योजक
नियत कोणालाही सोडत नाही. ज्यांना आपण मोठे केले, ते सोडून गेले त्यांची अवस्था बिकट होणार आहे. शिवसैनिकांनी काळजी करू नका, शिवसेनेचे सुवर्णदिन लवकरच येत असून टोरंट प्रकल्पाविरोधात आम्ही संपूर्ण ताकदीने रस्त्यावर उतरू.- बबन पाटील, उपनेते, उबाठा
आगामी निवडणुकीत कर्जत, पनवेल आणि पेणमधून शिवसेनेचे आमदार विजयी होतील, असा विश्वास मनोहर भोईर यांनी व्यक्त केला. तर शिवसेना हा विचारांचा पक्ष असून मतभेद विसरून एकत्र येण्याचे आवाहन प्रसाद भोईर यांनी केले.
.png "Videos"){kind=small}
