Chinmay Mandlekar: (फोटो सौजन्य- सोशलमीडिया)
Chinmay Mandlekar on Shraddha Pawar: स्टार प्रवाहवर मराठी मीडियम’ ही मालिका नुकतीच सूरु झाली. या मालिकेचे 12 ते 15 पंधरा दिवस झाले असताना तिने प्रेक्षकांचं लक्ष वेधून घेतलं. या मालिकेच्या मुख्य भूमिकेत रिल्स स्टार श्रद्धा पवार दिसत आहे. श्रद्धाचे इंस्टाग्रामवर लाखो फॉलोअर्स असून तिचे रिल्स जास्तप्रमाणात व्हायरल होतात. पण आता तिला मालिकेत घेतल्यापासून एक चर्चा सुरू झाली आहे. रील स्टार आहे, फॉलोअर्स जास्त आहेत म्हणून तिला संधी दिली का? खऱ्या कलाकारांना डावलून अशा रील स्टार्सना घेतलं जातंय का? असे प्रश्न अनेकजण विचारत होते.आता यावर स्वतः या मालिकेचा लेखक, अभिनेता आणि दिग्दर्शक चिन्मय मांडलेकरने भाष्य केलं आहे आणि सगळ्या चर्चांना पूर्णविराम दिला आहे. Chinmay Mandlekar:
चिन्मय मांडलेकरची ‘मराठी मीडियम’ ही मालिका 12 ऑक्टोबरपासून प्रेक्षकांच्या भेटीस आली. यामध्ये श्रद्धा पवार सरस्वतीच्या भूमिकेत दिसत तर, अक्षय नलावडे मुख्य नायक दिसत आहेत. श्रद्धाच्या निवडीवरून सोशल मीडियावर उलटसुलट चर्चा सुरू असतानाच चिन्मय मांडलेकरने ‘लोकमत फिल्मी’ला दिलेल्या मुलाखतीत याबद्दल स्पष्ट सांगितलं.
चिन्मय म्हणाला, “असं अजिबात होत नाही. खरं सांगायचं तर श्रद्धा रील स्टार आहे हे मला नंतर कळलं. मी सोशल मीडियावर फारसा ऍक्टिव्ह नसतो. मला तिचे फॉलोअर्स किती आहेत याच्याशी काही घेणं देणं नव्हतं.”
Bepanwah Movie: अहान पांडे-शर्वरीची ‘बेपरवाह’ झेप! यशराज फिल्म्सकडून नव्या सिनेमाची घोषणा
तो पुढे म्हणाला, “आम्ही या भूमिकेसाठी साधारण 35 ते 40 मुला-मुलींचं ऑडिशन घेतली. त्यामधून श्रद्धा आणि अक्षयची निवड झाली. त्यांची निवड त्यांनी आधी काय काम केलंय किंवा ते सोशल मीडियावर काय टाकतात यावरून अजिबात झालेली नाही. आम्ही एक स्क्रिप्ट दिलेली होती, त्यामध्ये काही सीन्स वेगवेगळ्या पद्धतीने करायला लावले. त्यांच्या अभिनयावरूनच चॅनलने आणि प्रोडक्शन हाऊसने त्यांना फायनल केलं. त्यामुळे त्यांनी जो संघर्ष करून हा रोल मिळवलाय, त्याची किंमत आपण कमी करू नये.”
चिन्मयने आजकालच्या रील्सच्या जमान्याबद्दल पण मत मांडलं. तो म्हणाला, ” आजकालच्या मुलांकडे सोशलमीडिया हे एक मजबूत साधणं आहे आपली कला मांडण्यासाठी हे पूर्वी हे नव्हतं. आता तर मोठमोठे कलाकार पण रील्स करतात. मग त्यांनाही आपण बोलणार का? रील्स करणं यात काहीच गैर नाही. खूप लोक रील्स करतात, त्यातून ते त्यांचं टॅलेंट दाखवतात. त्याला नाव ठेवण्यात अर्थ नाही.”
दरम्यान, ‘मराठी मीडियम’ या मालिकेबद्दल प्रेक्षकांमध्ये खूप उत्सुकता आहे. याचं एक मोठं कारण म्हणजे या मालिकेचं दिग्दर्शन प्रसिद्ध दिग्दर्शक मंदार देवस्थळी करत आहेत. बऱ्याच वर्षांनंतर ते छोट्या पडद्यावर कमबॅक करत आहेत. त्यामुळे मालिकेचा दर्जा चांगला असणार हे नक्की.श्रद्धा पवारने पण या संधीचं सोनं केलं आहे. तिचा अभिनय लोकांना आवडतोय. रील स्टार म्हणून नाही तर एक अभिनेत्री म्हणून ती स्वतःला सिद्ध करत आहे.
.png "Videos"){kind=small}
