Raigad News: सह्याद्रीच्या जंगलतोडीविरोधात शेकाप आक्रमक; चित्रलेखा पाटील यांचा टोरंट प्रकल्पाला विरोध

शेतकरी कामगार पक्षाच्या राज्य मुख्य प्रवक्त्या चित्रलेखा पाटील यांनी टोरंट पॉवरच्या प्रस्तावित जलविद्युत ऊर्जा साठवण प्रकल्पाविरोधात जोरदार आवाज उठवला आहे. चित्रलेखा पाटील म्हणाल्या की, सह्याद्रीवर कुऱ्हाडीचा घाव घालून निसर्ग नष्ट करण्याचे काम हे सरकार करत आहे.

• शेकापच्या वतीने भीमाशंकर परिसरातील प्रस्तावित प्रकल्पामुळे होत असलेल्या जंगलतोडीची प्रत्यक्ष घटनास्थळी जाऊन पाहणी
• रायगड जिल्ह्यात शेकाप आणि समविचारी पक्षांची पर्यावरणाबाबत स्पष्ट भूमिका – चित्रलेखा पाटील
• सह्याद्रीवर कुऱ्हाडीचा घाव घालून निसर्ग नष्ट करण्याचे काम हे सरकार करत आहे – चित्रलेखा पाटील

कर्जत: “सह्याद्री हा केवळ डोंगरांचा प्रदेश नसून महाराष्ट्राचा नैसर्गिक वारसा आणि अस्मिता आहे. या सह्याद्रीवर कुऱ्हाड चालवून वनसंपदा उद्धवस्त करण्याचा प्रयत्न कोणत्याही परिस्थितीत सहन केला जाणार नाही”, असा ठाम निर्धार व्यक्त करत शेतकरी कामगार पक्षाच्या राज्य मुख्य प्रवक्त्या चित्रलेखा पाटील यांनी टोरंट पॉवरच्या प्रस्तावित जलविद्युत ऊर्जा साठवण प्रकल्पाविरोधात जोरदार आवाज उठवला आहे.

Raigad News: कर्जतमध्ये शिंदे गटाला धक्का! गणेश मुंढेंचा समर्थकांसह उबाठात प्रवेश; राजकीय समीकरणे बदलणार

शेकापच्या वतीने भीमाशंकर परिसरातील प्रस्तावित प्रकल्पामुळे होत असलेल्या जंगलतोडीची प्रत्यक्ष घटनास्थळी जाऊन पाहणी करण्यात आली. या वेळी पक्षाचे ज्येष्ठ नेते माजी आमदार बाळाराम पाटील, रायगड जिल्हा चिटणीस सुरेश खैरे, मुख्य प्रवक्त्या चित्रलेखा पाटील यांच्यासह कर्जत तालुक्यातील स्थानिक नेते श्रीराम राणे, प्रकाश फराट, स्विटी बार्शी आणि मोठ्या संख्येने कार्यकर्ते उपस्थित होते.  (फोटो सौजन्य – AI Created)

या प्रसंगी बोलताना चित्रलेखा पाटील म्हणाल्या की, “कोणतीही रीतसर निविदा न काढता परस्पर या ठिकाणी प्रकल्प लादण्याचा घाट घातला जात आहे. रायगड जिल्ह्यात शेकाप आणि समविचारी पक्षांची पर्यावरणाबाबत स्पष्ट भूमिका आहे. अशा प्रकारे वृक्षतोड करून टोरंटसारखे प्रकल्प लादले जात असतील, तर ते हाकलून लावल्याशिवाय शेकाप शांत बसणार नाही”, असा इशारा त्यांनी दिला. दरम्यान, माजी आमदार बाळाराम पाटील यांनीही सरकारवर निशाणा साधला.

“कोकणात पर्यावरणपूरक पर्यटनाच्या माध्यमातून विकास साधणे शक्य असताना जंगल उद्धवस्त करणाऱ्या प्रकल्पांना प्राधान्य दिले जात आहे. रोजगाराच्या नावाखाली स्थानिकांची दिशाभूल केली जात असून, प्रत्यक्षात बाहेरील राज्यांतील कामगारांना प्राधान्य दिले जाण्याची भीती आहे. आम्ही महाराष्ट्राचा लचका तोडू देणार नाही”, असा रोखठोक इशारा त्यांनी दिला.

शेकापने उपस्थित केलेले प्रमुख मुद्दे

• अस्मितेवर हल्लाः सह्याद्रीची समृद्ध जंगलसंपती उद्धवस्त करून स्थानिक पर्यावरणाचा तोल ढवळला जात आहे.
• पारदर्शकतेचा अभावः कोणतीही अधिकृत निविदा प्रक्रिया न राबवता परस्पर प्रकल्प मंजूर करण्यात आल्याचा आरोप.
• रोजगारावर प्रश्नचिन्हः प्रकल्पाच्या नावाखाली स्थानिक तरुणांना डावलून बाहेरच्या कामगारांनाच भरती केले जाण्याची भीती.
• शाश्वत विकासाची मागणीः निसर्ग नष्ट करणाऱ्या प्रकल्पाऐवजी कोकणात पर्यावरणपूरक पर्यटनाला चालना देण्याची मागणी.

सह्याद्रीवर कुऱ्हाडीचा घाव घालून निसर्ग नष्ट करण्याचे काम हे सरकार करत आहे. कोणत्याही निविदेविना परस्पर आणलेले हे प्रकल्प हाकलल्याशिवाय शेतकरी कामगार पक्ष गप्प बसणार नाही. – चित्रलेखा पाटील, प्रवक्त्या, शेकाप

Raigad News: सुपारीच्या बागा करपल्या, कच्ची फळे गळाली; तीव्र उष्णतेने बागायतदार संकटात, पंचनामे करून मदत देण्याची मागणी

कोकणात निसर्गाचे जतन करून पर्यटनातून विकास साधण्याऐवजी जगल उद्ध्वस्त केले जात आहे. रोजगाराच्या गप्पा मारणारे सरकार स्थानिकांना डावलून परप्रांतीयांना रोजगाराच्या संधी देणार आहे. आम्ही महाराष्ट्राचा लचका तोडू देणार नाही. – बाळाराम पाटील, माजी आमदार, शेकाप

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)