Raigad News: तळा नगरपंचायतीत सत्ताधारी आघाडीत धुसफूस! विकासकामांना हिरवा कंदील, ठरावाला मात्र लाल सिग्नल

तळा नगरपंचायतीतील सत्ताधारी राष्ट्रवादी काँग्रेस आणि शिवसेनेतील अंतर्गत मतभेद पुन्हा एकदा चव्हाट्यावर आले आहेत. दि. ३१ ऑगस्ट रोजी आयोजित करण्यात आलेल्या सभेला नगराध्यक्ष, उपनगराध्यक्ष यांच्यासह केवळ शिवसेनेचे नगरसेवक उपस्थित होते.

• तळा नगरपंचायतीच्या सर्वसाधारण सभेला राष्ट्रवादी काँग्रेसचे नगरसेवक गैरहजर राहिल्याने सभा तहकूब करण्यात आली.
• २ कोटी ९५ लाख रुपयांची विकासकामे मंजूर असूनही ठराव देण्यास टाळाटाळ होत असल्याचा आरोप शिवसेनेच्या नगरसेवकांनी केला आहे.
• विकासकामांवरून राष्ट्रवादी काँग्रेस आणि शिवसेनेतील आरोप-प्रत्यारोपांमुळे सत्ताधारी आघाडीतील अंतर्गत मतभेद पुन्हा चव्हाट्यावर आले आहेत.

तळा: तळा नगरपंचायतीतील सत्ताधारी राष्ट्रवादी काँग्रेस आणि शिवसेनेतील अंतर्गत मतभेद पुन्हा एकदा चव्हाट्यावर आले आहेत. शहराच्या विकासकामांवरून सुरू झालेला वाद आता थेट नगरपंचायतीच्या सभागृहापर्यंत पोहोचला असून, ‘कामे मंजूर आहेत, मग ठरावाला मुहूर्त कधी?’ असा सवाल शिवसेनेच्या नगरसेवकांनी उपस्थित केला आहे. सोमवार, दि. ३१ ऑगस्ट रोजी तळा नगरपंचायतीची सर्वसाधारण सभा आयोजित करण्यात आली होती. मात्र, सभागृहात नगराध्यक्ष, उपनगराध्यक्ष यांच्यासह केवळ शिवसेनेचे नगरसेवक उपस्थित होते.

Chandrapur News: रक्षाबंधनासाठी बहिणींची माहेरच्या दिशेने धाव; सलग सुट्ट्यांमुळे चंद्रपूर बसस्थानकावर प्रवाशांची तुफान गर्दी

एकमेकांवर आरोप-प्रत्यारोपांच्या फैरी

दुसरीकडे मुख्याधिकारी मनिषा वजाळे, भाजपच्या नगरसेविका तसेच राष्ट्रवादी काँग्रेसचे सर्वच नगरसेवक गैरहजर राहिल्याने सभा सुरू होण्याआधीच ‘खेळ खल्लास’ झाला आणि सभा तहकूब करण्याची वेळ आली. याच पार्श्वभूमीवर राष्ट्रवादीच्या नगराध्यक्षा, उपनगराध्यक्ष आणि शिवसेनेच्या नगरसेवकांमध्ये चांगलीच शाब्दिक खडाजंगी रंगली. विकासकामांच्या मुद्द्यावरून दोन्ही बाजूंनी एकमेकांवर आरोप-प्रत्यारोपांच्या फैरी झाडल्या.  (फोटो सौजन्य – AI Created) 

सत्तेचा ताळमेळ नेमका कुठे बिघडला आहे

दरम्यान, सर्वसाधारण सभेलाच सत्ताधारी गटातील नगरसेवक गैरहजर राहिल्याने तळा नगरपंचायतीतील सत्तेचा ताळमेळ नेमका कुठे बिघडला आहे? असा प्रश्न आता नागरिकांमध्ये उपस्थित होत आहे. शहराच्या विकासकामांसाठी कोट्यवधींचा निधी मंजूर झाल्याचे सांगितले जात असताना, कामांना ठरावाची वाट दाखवायची की राजकीय कुरघोडीची यावर तळ्याच्या विकासाचा गाडा अडकणार का? याकडे आता नागरिकांचे लक्ष लागले आहे. एकूणच, तळा नगरपंचायतीत विकासकामांच्या नावाखाली सुरू झालेला राजकीय ‘सामना’ सध्या चांगलाच रंगला असून, मंजूर कामांना ठराव कधी मिळणार आणि सत्ताधारी आघाडीतील हा वाद कुठपर्यंत जाणार, हे पाहणे महत्वाचे ठरणार आहे.

Natya Lekhan Protsahan Yojana: मराठी नाटककारांसाठी मोठी संधी! ‘नाट्यलेखन प्रोत्साहन योजना’ जाहीर; विजेत्यांना मिळणार रोख बक्षिसं

ठरावाच्या फाईलला मात्र ‘लाल सिग्नल’

शिवसेनेच्या नगरसेवकांच्या म्हणण्यानुसार, शहरासाठी तब्बल २ कोटी ९५ लाख रुपयांची कामे वैशिष्ट्यपूर्ण योजनेअंतर्गत मंजूर करण्यात आली आहेत. मात्र, ही कामे मंजूर होऊनही त्यांना आवश्यक ठराव देण्यास राष्ट्रवादी काँग्रेसकडून टाळाटाळ केली जात असल्याचा गंभीर आरोप शिवसेनेने केला आहे. म्हणजे एकीकडे विकासकामांना मंजुरीचा ‘हिरवा कंदील’, पण दुसरीकडे ठरावाच्या फाईलला मात्र ‘लाल सिग्नल’ अशी परिस्थिती निर्माण झाली आहे, असा टोला शिवसेनेकडून लगावण्यात आला.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)