Railway News : रेल्वे प्रवाशांना दिलासा! ‘या’ मार्गांवरील ‘समर स्पेशल’ गाड्यांच्या फेरीत वाढ

Summer Special Trains : मध्य रेल्वेने एक अत्यंत महत्त्वपूर्ण निर्णय घेतला आहे. हिसार-खडकी आणि अजमेर-दौंड दरम्यान धावणाऱ्या उन्हाळी विशेष फेऱ्यांमध्ये वाढ करण्यात आली आहे. या निर्णयामुळे प्रवाशांना दिलासा मिळाला आहे.

• रेल्वे प्रवाशांसाठी आनंदाची बातमी
• हिसार-खडकी आणि अजमेर-दौंड समर स्पेशल गाड्यांच्या फेऱ्यात वाढ
• जाणून घ्या

Railway News in Marathi : पुणे : रेल्वे प्रवाशांसाठी एक दिलासादायक वृत्त आहे. उन्हाळ्याच्या सुट्ट्यांमुळे रेल्वे गाड्यांना होणारी प्रवाशांची वाढणार प्रचंड गर्दी आणि प्रवासाचे नियजोन लक्षात घेऊन मध्य रेल्वेने एक महत्त्वपूर्ण निर्णय घेतला आहे. मध्य रेल्वे आणि उत्तर पश्चिम रेल्वेने संपर्क साधून हिसार-खडकी आणि अजमेर-दौंड दरम्यान धावणाऱ्या उन्हाळी विशेष (Summer Special) गाड्यांच्या फेऱ्यांमध्ये वाढ करण्याचा निर्णय रेल्वे (Railway News) प्रशासनाने घेतला आहे. या गाड्या आता मे महिन्याअखेरपर्यंत धावणार असून, यामुळे प्रवाशांचा प्रवास अधिक सुखकर होणार आहे.

हे देखील वाचा : Railway News : पुणेकरांसाठी मोठी संधी! ‘भारत गौरव’ ट्रेनने ५ तीर्थक्षेत्रांचे मिळणार दर्शन

हिसार-खडकी-हिसार साप्ताहिक विशेष (१० अतिरिक्त फेऱ्या) :

हिसार आणि पुणे परिसरातील खडकी दरम्यान धावणाऱ्या साप्ताहिक गाडीला प्रवाशांचा चांगला प्रतिसाद मिळत आहे. ही गाडी आता खालीलप्रमाणे वाढीव फेऱ्यांसह धावेल.

• गाडी क्रमांक ०४७२५ हिसार-खडकी ही गाडी दि. २६ एप्रिलपर्यंत धावणार होती, आता ती दि.३१ मेपर्यंत (५ अतिरिक्त फेऱ्या) चालवण्यात येईल.
• तर गाडी क्रमांक ०४७२६ खडकी-हिसार ही गाडी दि. २७ एप्रिलपर्यंत अधिसूचित केली होती. आता ही गाडी आता दि.१ जून २०२६ पर्यंत (५ अतिरिक्त फेऱ्या) धावणार आहे.

अजमेर-दौंड-अजमेर साप्ताहिक स्पेशल (१० अतिरिक्त फेऱ्या) :

राजस्थान आणि महाराष्ट्राला जोडणाऱ्या अजमेर-दौंड मार्गावरही प्रवाशांची मोठी गर्दी वाढली आहे. या मार्गावरील प्रवाशांची सोय व्हावी यासाठी मध्य रेल्वेने यामध्येही बदल केले आहेत. या गाडीच्या फेऱ्याही वाढवण्यात आल्या आहेत.

• गाडी क्रमांक ०९६२५ अजमेर-दौंड ही गाडी दि. २३ एप्रिलपर्यंत नियोजित होती. परंतु आता प्रवाशांच्या सोयीसाठी ही गाडी दि. २८ मे २०२६ पर्यंत (५ अतिरिक्त फेऱ्या) चालवली जाणार आहे.
• तर गाडी क्रमांक ०९६२६ दौंड-अजमेर ही गाडी २४ एप्रिलपर्यंत अधिसूचित केली होती. आता ही गाडी आता दि. २९ मेपर्यंत (५ अतिरिक्त फेऱ्या) धावणार आहे.

प्रवाशांना होणार फायदा

मध्य रेल्वेच्या या निर्णयामुळे उन्बाळ्यात गाड्यांचे वेटिंग लिस्ट कमी होईल. यामुळे उत्तर भारतात जाणाऱ्या पर्यटक आणि सुट्ट्यांसाठी  गावी जाणाऱ्या नागरिकांना याचा फायदा होईल.  रेल्वे प्रशासनाच्या या तत्पर निर्णायमुळे उन्हाळी पर्यटनाचे नियोजन करणाऱ्यांना दिलासा मिळाला आहे. यामुळे प्रवाशांची ऐनवेळी होणारी धावपळही थांबेल.

हे देखील वाचा : Railway News : पुणे रेल्वे स्थानकाला RPF जवानांचे सुरक्षा कवच; हरवलेल्या ४१२ मुलांना केले पालकांकडे सुपूर्त