सातारा झेडपीत उद्या ‘हाय-व्होल्टेज’ ड्रामा! (Photo Credit- X)
या संपूर्ण प्रक्रियेची धुरा जिल्हाधिकाऱ्यांवर असून, निवडणूक शांततेत आणि नियमबद्ध पद्धतीने पार पाडण्याचे मोठे आव्हान त्यांच्या समोर आहे. कोणत्याही प्रकारचा गोंधळ किंवा वाद उद्भवू नये, यासाठी प्रशासनाने कडक सुरक्षा व्यवस्था उभारण्यास सुरुवात केली आहे.
मागील वेळी झालेल्या गदारोळामुळे जिल्हा परिषदेसह प्रशासनाची प्रतिमा डागाळली होती. त्यामुळे यंदा कोणतीही चूक होऊ नये, यासाठी पोलीस बंदोबस्त वाढवण्यात येणार असून, निवड प्रक्रिया पूर्णपणे पारदर्शक ठेवण्यावर भर दिला जाणार आहे. निवड प्रक्रियेदरम्यान प्रत्येक टप्प्यावर कायद्याचे पालन केले जाईल, तसेच सदस्यांच्या हालचालींवरही बारकाईने लक्ष ठेवले जाणार आहे. कोणताही अनुचित प्रकार घडल्यास तत्काळ कारवाई करण्यात येईल, असा इशाराही प्रशासनाकडून देण्यात आला आहे.
दरम्यान, या निवडीमुळे जिल्हा परिषदेतील सत्तासमीकरणावर परिणाम होणार असल्याने राजकीय वातावरणही तापले आहे. विविध गटांकडून जोरदार हालचाली सुरू असून, निवडणुकीत चुरस निर्माण होण्याची शक्यता आहे. एकंदरीत, ४ एप्रिलची विषय समिती निवड ही केवळ एक प्रशासकीय प्रक्रिया नसून, साताऱ्यातील राजकीय आणि प्रशासकीय विश्वासार्हतेची परीक्षा ठरणार आहे. त्यामुळे सर्वांच्या नजरा आता या निवडीकडे लागल्या आहेत.
.png "Videos"){kind=small}
