Satara News : साताऱ्यात वातावरण तापलं! SP तुषार दोशी यांना बडतर्फ करण्यासाठी शिवसेनेचा मूकमोर्चा

सातारा जिल्हा परिषदेत अध्यक्ष निवड प्रकरणी झालेल्या राजकारणावरुन आणि धक्काबुक्कीमुळे वाद निर्माण झाला आहे. या प्रकरणी शिवसेनेने मूक मोर्चा काढून निषेध केला.

• साताऱ्यामध्ये जिल्हा परिषद अध्यक्षपदावरुन राजकारण
• भाजप आणि शिवसेनेमध्ये राजकीय वाद
• शिवसेना पदाधिकाऱ्यांचा मूकमोर्चा

Satara News : सातारा : सातारा जिल्हा परिषद अध्यक्ष निवडीवरून वादंग सुरु आहे. साताऱ्यामध्ये (Satara News) सुरू झालेला हा वाद आता थेट राज्य मंत्रिमंडळात पोहोचला असून, याचे तीव्र पडसाद सोमवारी विधानभवनात उमटले. भाजपने संख्याबळ नसतानाही ‘रडीचा डाव’ खेळून आपला अध्यक्ष बसवल्याचा गंभीर आरोप शिवसेना (शिंदे गट) नेत्यांनी केला आहे. या प्रकरणावरून सत्ताधारी महायुतीमधील तणाव आता टोकावर पोहोचला आहे. या प्रकरणामुळे शिवसेना (Shivsena Politics) आक्रमक झाली आहे. तसेच घटनेच्या निषेधार्थ मूक मोर्चा काढला.

सातारा जिल्ह्याच्या राजकारणाला व समाजकारणाला वैचारिक परंपरा आहे. महाराष्ट्राचे पहिले मुख्यमंत्री स्वर्गीय यशवंतराव चव्हाण यांच्या विचारांच्या जिल्हा परिषदेत अध्यक्ष व उपाध्यक्षपदाच्या निवड प्रक्रियेदरम्यान जे दबाव नाट्य, अटक सत्र आणि राज्याच्या मंत्री महोदयांना धक्काबुक्कीचे प्रकार झाला तो निंदनीय आहे. यात सत्ता स्थापन करण्यास मदत करणाऱ्या सातारा एसपीना बडतर्फ करावे या मागणीसाठी शिवसेनेच्या महिला पदाधिकाऱ्यांनी डॉ. बाबासाहेब आंबेडकर पुतळा ते शिवतीर्थ पोवई नाका असा शिवसेना महिला पदाधिकाऱ्यांनी मूक मोर्चा काढला.

हे देखील वाचा : साताऱ्याच्या राड्यामुळे सरकार धोक्यात? शिंदे गटाच्या नेत्यांकडून राजीनाम्याचा इशारा

जिल्हा प्रशासनाला सादर निवेदनात नमूद आहे की शिवसेना व राष्ट्रवादी यांनी निवडणूक पूर्व युती जाहीर करून बहुमतासाठी आवश्यक ते 37 संख्या बळ जुळवले होते. असे असताना विरोधकांनी बळाचा वापर करून प्रचंड दांडगाई केली. त्यादिवशी पोलिसांची भूमिका ही सत्ताधाऱ्यांना धार्जिणी किंबहुना घरगड्यासारखी होती. यात पालकमंत्री शंभूराज देसाई यांच्या हाताला जखम झाली. खासदार नितीन पाटील व आमदार मकरंद पाटील यांना धक्काबुक्की झाल्याचा दुर्दैवी प्रकार घडला असून जिल्ह्याच्या पुरोगामी परंपरेला काळीमा फासला गेला आहे. जि. प. मधील गोंधळ नाट्याची न्यायालयीन चौकशी होऊन दोषींवर कठोर कारवाई व्हावी. सीसीटीव्ही फुटेज सर्वांसाठी खुले करून नक्की त्या दिवशी काय घडले हे जनतेसमोर आणावे. अध्यक्ष व उपाध्यक्ष निवड रद्द करून नव्याने फेर निवड घेण्यात यावी. संबंधित प्रकरणातील शासकीय स्तरावरील दोषी अधिकाऱ्यांच्या तत्काळ बडतर्फ करून त्यांच्या जागेवर कर्तव्यनिष्ठ अधिकारी नेमावेत अशी मागणी यावेळी करण्यात आली. डॉ. बाबासाहेब आंबेडकर पुतळा ते शिवतीर्थ पोवई नाका असा शिवसेना महिला संपर्क प्रमुख रेश्मा ताई जगताप यांच्या मार्गदर्शना खाली पदाधिकाऱ्यांनी मूक मोर्चा काढला.

हे देखील वाचा : सातारा प्रकरण टाकणार महायुतीत मिठाचा खडा? मध्यरात्री DCM शिंदेंनी गाठले वर्षा निवासस्थान

या मोर्चावेळी जिल्हा परिषद सदस्य कविता ओबळे,  सातारा उप जिल्हाअध्यक्ष सुलोचना चंद्रकांत पवार, वाई विधानसभा सन्मयक  वर्षा अरडे, कराड उत्तर विधानसभा उप जिल्हा प्रमुख विमल सुपणेकर, कराड दक्षिण तालुकाप्रमुख संध्या दाभाडे,
तालुका प्रमुख कराड उत्तर प्रियांका वाघमारे, माण, खटाव, तालुका प्रमुख प्रियांका नलावडे यांच्यासह अनेक पदाधिकारी आणि कार्यकर्ते उपस्थित होते.