
Shivajinagar depot records 70 thousand kilometers highest in history
शिवाजीनगर आगारातून दररोज साधारण ६० ते ६३ हजार किलोमीटर अंतर बसच्या माध्यमातून कापले जाते. मात्र, दिवाळीच्या काळात प्रवाशांची संख्या वाढल्याने बसच्या फेऱ्यांमध्ये वाढ करण्यात आली होती. परिणामी, नेहमीच्या तुलनेत सुमारे सात ते दहा हजार किलोमीटर अधिक अंतर बसनी पार केले.
दिवाळीच्या काळात शिवाजीनगर आगाराने सलग सहा दिवस ६६ हजार ते ७० हजार किलोमीटरपेक्षा अधिक अंतर कापले. एक नोव्हेंबरला ६६ हजार ३८४, दोन नोव्हेंबरला ६६ हजार, तीन नोव्हेंबरला ७० हजार १८४, चार नोव्हेंबरला ६६ हजार ६७१, तर पाच नोव्हेंबरला ७० हजार १९२ किलोमीटरची नोंद झाली. सहा नोव्हेंबरला ६७ हजार ६४ किलोमीटर अंतर बसनी पार केले. शिवाजीनगर आगारातून लालपरीसह शिवशाही, शिवनेरी, हिरकणी, जनशिवनेरी आणि शयनयान अशा विविध प्रकारच्या बस प्रवाशांच्या सेवेत होत्या.
आगारातून दररोज सकाळी सात वाजता इंदूरसाठी बस सोडली जाते. शिवाजीनगर ते इंदूर हे सुमारे ६८० किलोमीटरचे अंतर असून, आगारातून धावणारी ही सर्वांत लांब पल्ल्याची बस आहे. याशिवाय अमरावती, अकोला, नागपूर, धुळे आणि यवतमाळ या शहरांसाठीही लांब पल्ल्याच्या बस सोडण्यात येतात.
| दिवाळीत एसटीची विक्रमी धावपळ | आकडे किमीमध्ये |
|---|---|
| १ नोव्हेंबर | ६६,३८४ |
| २ नोव्हेंबर | ६६,००० |
| ३ नोव्हेंबर | ७०,१८४ |
| ४ नोव्हेंबर | ६६,६७१ |
| ५ नोव्हेंबर | ७०,१९२ |
| ६ नोव्हेंबर | ६७,०६४ |
शिवाजीनगर आगाराचा विक्रम एका दृष्टिक्षेपात :
याबाबत शिवाजीनगर वरिष्ठ आगारप्रमुख संजय वाळवे म्हणाले, “शिवाजीनगर आगारातून दररोज साधारण ६० ते ६३ हजार किलोमीटरचा प्रवास होतो. दिवाळीदरम्यान प्रवाशांच्या सोयीसाठी बसच्या फेऱ्यांमध्ये वाढ करण्यात आली होती. त्यामुळे पाच नोव्हेंबरला ७० हजारांहून अधिक किलोमीटरचा प्रवास झाला. आजपर्यंतची ही राज्यातील सर्वाधिक किलोमीटरची नोंद आहे.”
Ans: शिवाजीनगर आगारातील १६७ बसांनी एका दिवसात तब्बल ७०,१९२ किमी अंतर कापले.
Ans: एसटीच्या इतिहासात राज्यातील सर्वाधिक एकदिवसीय धाव म्हणून या कामगिरीची नोंद झाली आहे.
Ans: दिवाळीच्या काळातील प्रवाशांची मोठी गर्दी लक्षात घेऊन एसटीच्या अतिरिक्त फेऱ्या सुरू असताना शिवाजीनगर आगाराने ही विक्रमी कामगिरी केली.