एसटी कर्मचाऱ्यांची थकीत देणी रक्कम देण्यात एकनाथ शिंदे आघाडीवर
मुंबई : ८८ हजार एसटी कर्मचाऱ्यांना सन २० ते २४ या कालावधी करिता परिवहन खात्याचा भार असलेले तत्कालीन मुख्यमंत्री एकनाथ शिंदे यांनी त्यांच्या काळात वेतनवाढ जाहीर केली होती. पण त्याचा फरक मात्र देण्यात आला नव्हता. आता फरकाची थकीत सर्व रक्कम देण्याचा निर्णय त्यांनीच घेतला असून सरकारमधील दुसरे उपमुख्यमंत्री अजित पवार यांनी याच विषयावर स्वतः लावलेली बैठक रद्द करण्याची नामुष्की ओढवल्याने ते मात्र या स्पर्धेत मागे पडले असल्याचा मिस्किल टोला महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी लगावला आहे.
एसटी कर्मचाऱ्यांच्या ४४०० कोटी रुपयांच्या थकीत देण्यासंदर्भात विविध संघटनांनी गेल्या आठवड्यात आंदोलनाच्या नोटीस दिल्या होत्या त्या पार्श्वभूमीवर उप मुख्यमंत्री अजित पवार यांनी एक बैठक बोलावली होती. पण ती बैठक अचानक रद्द करण्यात आली. याउलट याच सरकारमधील उप मुख्यमंत्री एकनाथ शिंदे यांनी स्वतः पुढाकार घेतला आणि बैठक घेतली व त्या बैठकीत बैठकीत ते स्वतः मुख्यमंत्री व परिवहन मंत्री असतानाच्या कालावधीची त्यांनी जाहीर केलेली वेतनवाढ फरकाची थकीत रक्कम कर्मचाऱ्यांना ४८ हप्त्यात देण्याचा निर्णय घेत बाजी मारली असून या राजकीय स्पर्धेत ज्यांच्याकडे अर्थ खाते आहे त्या अजित पवार यांना मात्र स्वतःच लावलेली बैठक नामुष्कीने रद्द करावी लागल्याने.. या स्पर्धेत ते नक्की पिछाडीवर राहिले असल्याचे बरगे यांनी म्हटले आहे.
सन २०१८ पासूनचा एसटी कर्मचाऱ्यांचा अंदाजे ११०० कोटी रुपयांचा महागाई भत्ता फरक थकीत असून तो अद्यापि देण्यात आलेला नाही.या संपूर्ण कालावधीत महाविकास आघाडी व महायुती या दोन्ही सरकारमध्ये विद्यमान उप मुख्यमंत्री अजित पवार यांच्याकडेच अर्थ खाते असून महागाई भत्त्याची राहिलेली फरकाची रक्कम देण्याची जबाबदारी आता अजित पवारांनी पूर्ण करावी अन्यथा या राजकीय स्पर्धेत अजित पवार हे पिछाडीवर व शिंदे आघाडीवर असेच म्हणावे लागेल असेही बरगे यांनी म्हटले आहे.
.png "Videos"){kind=small}
