मीरा रोड येथे उभारणार डॉ. बाबासाहेब आंबेडकरांचा भव्य पूर्णाकृती पुतळा! मंत्री संजय शिरसाट यांचे तातडीने काम सुरू करण्याचे निर्देश

मीरा रोड घोडबंदर येथे डॉ. बाबासाहेब आंबेडकरांचा पूर्णाकृती पुतळा उभारला जाणार आहे. सामाजिक न्याय मंत्री संजय शिरसाट यांनी २ कोटींचा निधी मंजूर करत कामाला गती देण्याचे आदेश दिले आहेत.

 

• मीरा रोड येथे उभारणार डॉ. बाबासाहेब आंबेडकरांचा भव्य पूर्णाकृती पुतळा!
• मंत्री संजय शिरसाट यांचे तातडीने काम सुरू करण्याचे निर्देश

मुंबई, दि. ८: राज्यघटनेचे शिल्पकार महामानव भारतरत्न डॉ. बाबासाहेब आंबेडकर यांचा पूर्णाकृती पुतळा मीरा रोड घोडबंदर येथील भारतरत्न डॉ. बाबासाहेब आंबेडकर बहुउद्देशीय इमारतीच्या आवारात उभारला जाणार आहे. या प्रकल्पाशी संबंधित प्रशासकीय व तांत्रिक प्रक्रिया वेळेत पूर्ण करून पुतळा उभारणीचे काम तातडीने सुरू करावे, असे निर्देश सामाजिक न्याय मंत्री संजय शिरसाट यांनी दिले.

मंत्री शिरसाट यांच्या अध्यक्षतेखाली याबाबत बैठक झाली. बैठकीस परिवहन मंत्री प्रताप सरनाईक, सामाजिक न्याय विभागाचे प्रधान सचिव डॉ. हर्षदीप कांबळे, मीरा भाईंदर महानगरपालिकेचे आयुक्त राधाबिनोद शर्मा, सामाजिक न्याय विभागाचे सहसचिव सो.ना बागुल, मिरा भाईंदर महानगरपालिकेचे शहर अभियंता दीपक खांबित तसेच संबंधित वरिष्ठ अधिकारी उपस्थित होते.

Dr. Babasaheb Ambedkar jayanti 2026: डॉ बाबासाहेब आंबेडकरांचे ‘हे’ प्रेरणादायी विचार आजच्या तरुण पिढीसाठी ठरतील मौल्यवान

मंत्री शिरसाट म्हणाले, निर्धारित जागेवर पुतळा उभारणीच्या कामाला वेग देण्यासाठी महानगरपालिकेने सर्व संबंधित बाबींची पूर्तता तातडीने करावी. यामध्ये आवश्यक परवानग्या, ना हरकत प्रमाणपत्रे, तांत्रिक आराखडे तसेच अंमलबजावणीची प्रक्रिया वेळेत पूर्ण करावी. पुतळा उभारणीसाठी २ कोटी इतक्या निधीस मंजुरी देण्यात आली असून, या प्रकल्पाच्या अंमलबजावणीसाठी पुढील कार्यवाही करावी.

परिवहन मंत्री प्रताप सरनाईक म्हणाले, शासनाच्या २ मे २०१७ रोजीच्या मार्गदर्शक सूचनांनुसार पुतळा उभारणीसाठी आवश्यक परवानग्या, ना हरकत प्रमाणपत्रे तसेच संबंधित कागदपत्रांची पूर्तता करण्यासाठी जिल्हाधिकाऱ्यांच्या अध्यक्षतेखालील समितीकडे प्रस्ताव सादर करण्यात आला आहे. डॉ. बाबासाहेब आंबेडकर स्मारकासह बहुउद्देशीय इमारत उभारण्यासाठी सुमारे १३ कोटी रुपयांचा निधी मंजूर करण्यात आला असून, या कामाची अंमलबजावणी मीरा-भाईंदर महानगरपालिकेमार्फत सुरू आहे.

DR. B.R. Ambedkar : चवदार तळ्याच्या सत्याग्रहाच्या वेळी अंगावर काटा आणणारे बाबासाहेबांचे ‘ते’ शब्द