Water Shortage: अनेक महिन्यांपासून पाण्यासाठी नागरिकांची वणवण; सरोज राय नागरिकांसह केडीएमसी कार्यालयात

Water Shortage: कल्याण पूर्वेतील कैलास नगर परिसरात गेल्या अनेक महिन्यांपासून तीव्र पाणीटंचाईचा सामना करावा लागत आहे. वारंवार तक्रारी करूनही प्रश्न सुटत नसल्याने भाजपा नगरसेविका आणि ई प्रभाग समिती सभापती सरोज राय यांनी नागरिकांसह केडीएमसीच्या 'ड' प्रभाग कार्यालयात धडक देत अधिकाऱ्यांना जाब विचारला.

• कल्याण पूर्व येथील कैलास नगरमध्ये पाणीटंचाईचा प्रश्न ऐरणीवर;
• भाजपा सभापती सरोज राय यांचा केडीएमसी अधिकाऱ्यांना घेराव
• सत्तेत असूनही कैलास नगरला पाणी मिळेना!

कल्याण : कल्याण पूर्वेतील कैलास नगर परिसरात गेल्या अनेक महिन्यांपासून पाणीटंचाईचा गंभीर प्रश्न निर्माण झाला आहे. नियमित आणि पुरेसा पाणीपुरवठा होत नसल्याने स्थानिक नागरिकांना मोठ्या अडचणींचा सामना करावा लागत आहे. वारंवार तक्रारी करूनही पाण्याचा प्रश्न मार्गी लागत नसल्याने नागरिकांमध्ये प्रशासनाविरोधात नाराजी वाढत आहे.( Water Shortage)

या पार्श्वभूमीवर कल्याण-डोंबिवली महानगरपालिकेच्या ई प्रभाग समितीच्या सभापती आणि भाजपा नगरसेविका सरोज राय यांनी नागरिकांसह केडीएमसीच्या ‘ड’ प्रभाग कार्यालयात धडक दिली. यावेळी त्यांनी संबंधित अधिकाऱ्यांचा घेराव घालत कैलास नगरमधील पाणीटंचाईच्या प्रश्नावर जाब विचारला. नागरिकांना भेडसावणाऱ्या समस्यांकडे तातडीने लक्ष देऊन पाणीपुरवठा सुरळीत करण्याची मागणी त्यांनी केली.

पुणे पोलिस आयुक्तांचा सलग दुसऱ्या दिवशी दणका! आणखी चार पोलिस कर्मचाऱ्यांचे निलंबन; दोन दिवसांत आठ जणांवर कारवाई

अधिकाऱ्यांच्या उत्तरांवर नागरिकांची नाराजी

कैलास नगरमधील पाणीटंचाईबाबत वारंवार तक्रारी करूनही ठोस उपाययोजना होत नसल्याचा आरोप नागरिकांनी केला. पाणीपुरवठ्याच्या समस्येवर अधिकाऱ्यांकडून समाधानकारक उत्तरे मिळत नसल्याने नागरिकांनी तीव्र नाराजी व्यक्त केली. अनेक महिन्यांपासून पाण्यासाठी संघर्ष करावा लागत असल्याने प्रशासनाने या प्रश्नाकडे गांभीर्याने पाहावे, अशी मागणी यावेळी करण्यात आली.

सत्ताधारी पक्षातील पदाधिकाऱ्यांचीही नाराजी

विशेष म्हणजे, कल्याण-डोंबिवली महानगरपालिकेत शिवसेना-भाजपची सत्ता असतानाही कैलास नगरमधील पाणीटंचाईचा प्रश्न कायम असल्याने या मुद्द्यावर राजकीय चर्चाही सुरू झाली आहे. सत्ताधारी भाजपच्या स्थानिक पदाधिकारी आणि कार्यकर्त्यांमध्येही नाराजी असल्याचे चित्र आहे.

सत्तेत असूनही नागरिकांना मूलभूत सुविधेसाठी संघर्ष करावा लागत असल्याने महापालिका प्रशासनाच्या कार्यपद्धतीवर प्रश्न उपस्थित केले जात आहेत. आता सरोज राय यांनी उपस्थित केलेल्या या प्रश्नावर केडीएमसी प्रशासन काय उपाययोजना करते, तसेच सत्ताधारी पक्षाचे वरिष्ठ पदाधिकारी याबाबत काय भूमिका घेतात, याकडे नागरिकांचे लक्ष लागले आहे. कैलास नगरमधील पाणीटंचाईचा प्रश्न नेमका कधी सुटणार आणि नागरिकांना नियमित पाणीपुरवठा कधी मिळणार, हा प्रश्न अद्याप कायम आहे.

सत्ताधारी पक्षातील लोकप्रतिनिधींनाच नागरिकांच्या पाणीसमस्येसाठी अधिकाऱ्यांकडे धाव घ्यावी लागत असल्याने महापालिका प्रशासनाच्या कार्यपद्धतीवर प्रश्न उपस्थित होत आहेत. आता केडीएमसी प्रशासन या समस्येवर कोणती ठोस उपाययोजना करणार आणि कैलास नगरमधील नागरिकांना नियमित पाणीपुरवठा कधी सुरू होणार, याकडे सर्वांचे लक्ष लागले आहे.

Ashokkumar Rankhamb: मुंबई-ठाणे कनेक्टिव्हिटी वाढवण्यावर भर; वसई-विरार परिवहन समितीच्या सभापतीपदी रणखांब विराजमान