फोटो सौजन्य- गुगल
वाशी येथील मुंबई कृषी उत्पन्न बाजार समितीच्या आवारात केळी पिकवण्याच्या प्रक्रियेचा कथित व्हिडिओ समोर आल्याने फळांच्या गुणवत्तेसह खाद्यसुरक्षेचा प्रश्न ऐरणीवर आला आहे. व्हिडिओमध्ये केळी पिकवण्याची प्रक्रिया दाखवण्यात आली असून, यामध्ये नियमांचे पालन केले जात आहे की प्रतिबंधित रसायनांचा वापर होत आहे, याची सखोल चौकशी करण्याची मागणी होत आहे.
एपीएमसीमधून नवी मुंबईसह मुंबई, ठाणे आणि परिसरातील विविध भागांत मोठ्या प्रमाणात फळांचा पुरवठा केला जातो. त्यामुळे केळी पिकवण्याच्या प्रक्रियेत खाद्यसुरक्षा नियमांचे उल्लंघन आढळल्यास संबंधित व्यापाऱ्यांसह बाजार समितीतील देखरेख यंत्रणा आणि अन्न व औषध प्रशासनाच्या तपासणीवरही प्रश्न उपस्थित होण्याची शक्यता आहे.
बाजारात एकसारख्या रंगाची, चमकदार आणि कमी कालावधीत पिकलेली केळी ग्राहकांचे लक्ष वेधून घेतात. मात्र केवळ रंग, चमक किंवा बाह्य स्वरूपावरून केळी सुरक्षित पद्धतीने पिकवली आहेत की नाही, समोर आलेल्या व्हिडिओतील प्रक्रिया नियमबाह्य असल्याचे तपासात निष्पन्न झाल्यास, हा केवळ संबंधित व्यापाऱ्यापुरता मर्यादित विषय राहणार नाही. एपीएमसी परिसरात फळांची गुणवत्ता आणि खाद्यसुरक्षेच्या नियमांची नियमित तपासणी कितपत प्रभावीपणे केली जाते, यावरही प्रश्नचिन्ह निर्माण होणार आहे.
या प्रकरणी एपीएमसीचे सचिव डॉ. राजाराम धोंडकर यांनी संबंधित व्यापाऱ्यांना नोटीस बजावण्यात येणार असल्याचे सांगितले आहे. तसेच या प्रकरणाची चौकशी करण्यात येणार असून, एफडीआयच्या अहवालानुसार संबंधित व्यापारी दोषी आढळल्यास त्यांचा परवाना रद्द करण्याची कारवाई केली जाईल, असे त्यांनी स्पष्ट केले. त्यामुळे आता एफडीआयच्या तपासणीकडे लक्ष लागले आहे. केळी सुरक्षित पद्धतीने पिकवली जात आहेत की नियमांना बगल देऊन प्रक्रिया केली जात आहे, याचे उत्तर अधिकृत चौकशी आणि प्रयोगशाळा तपासणीनंतरच स्पष्ट होणार आहे.
हे निश्चित करता येत नाही. असामान्यपणे एकसारखा पिवळा रंग, बाहेरून पिकलेले दिसत असूनही आतून कडक राहणे, असामान्य वास किंवा चव जाणवणे यांसारख्या बाबींकडे ग्राहकांनी लक्ष देणे आवश्यक आहे. मात्र, या लक्षणांवरून केळ्यांमध्ये प्रतिबंधित रसायनांचा वापर झाल्याचे निश्चितपणे सांगता येत नाही. त्यासाठी अधिकृत यंत्रणेकडून नमुने घेऊन प्रयोगशाळेत तपासणी करणे आवश्यक आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
.png "Videos"){kind=small}
