रविवार, 15 नोव्हेंबर 2026
फोटो सौजन्य- iStock
राज्यातील सर्व धर्मीयांमधील 60 वर्षे किंवा त्याहून अधिक वयाचे ज्येष्ठ नागरिक यांच्यासाठी सामाजिक न्याय व विशेष सहाय्य विभागांतर्गत ‘मुख्यमंत्री तीर्थ दर्शन योजना’ सुरू करण्यात आली आहे. भारतातील एकूण 73 तीर्थ क्षेत्रे आणि महाराष्ट्र राज्यातील 66 तीर्थक्षेत्रांचा या योजनेमध्ये समावेश करण्यात आला आहे. या योजनेनुसार राज्यातील ज्येष्ठ नागरिकांना तीर्थक्षेत्र दर्शन यात्रा मोफत उपलब्ध करून देण्यात आली आहे. या योजनेच्या लाभासाठी ज्येष्ठ नागरिकांनी संबंधित जिल्ह्यातील जिल्ह्याचे सहाय्यक आयुक्त, समाज कल्याण कार्यालयाकडे अर्ज सादर करण्याचे आवाहन सामाजिक न्याय विभागाने केले आहे.
मुख्यमंत्री तीर्थ दर्शन योजनेचे लाभ स्वरूप
मुख्यमंत्री तीर्थ दर्शन योजनेंतर्गत जिल्हानिहाय निश्चित केलेल्या कोट्याच्या आधारे लॉटरी पद्धतीने निवड होणार आहे. निवड झालेल्या व्यक्तीला निर्धारित तीर्थ स्थळांपैकी एका स्थळाच्या यात्रेसाठी या योजनेचा लाभ घेता येणार आहे. या लाभामध्ये प्रत्यक्ष प्रवास, भोजन, निवास इत्यादी सर्व बाबींचा समावेश आहे. प्रवास खर्चाची कमाल मर्यादा प्रती ज्येष्ठ व्यक्ती 30 हजार रुपये इतकी ठेवण्यात आली असून हा खर्च शासनाकडून करण्यात येणार आहे.
पात्रतेचे निकष
मुख्यमंत्री तीर्थ दर्शन योजनेच्या अधिक माहितीसाठी अर्जदारांनी संबंधित जिल्ह्याचे सहाय्यक आयुक्त, समाज कल्याण विभाग, सामाजिक न्याय भवन येथे संपर्क साधावा.
