शनिवार, 17 ऑक्टोबर 2026
मुंबई: हिंडेनबर्ग रिसर्च रिपोर्टमुळे अदानी ग्रुपचं खूप नुकसान होत आहे. या रिपोर्टमुळे गेल्या 10 दिवसांत कंपनीचं 12 लाख कोटींहून अधिक नुकसान झाल्याची माहिती आहे. अदानींच्या कंपनीत गुंतवणूक करणाऱ्या भारतीय बँका (SBI) आणि एलआयसीलादेखील (LIC) याचा फटका बसला आहे. गुंतवणुकदारांमध्ये चिंतेचं वातावरण आहे. या विषयावरून संसदेतही गदारोळ झाला. आता केंद्रीय अर्थमंत्री निर्मला सीतारमण (Nirmala Sitharaman) यांनी अदानी प्रकरणात प्रतिक्रिया दिली आहे. (Adani-Hindenburg Saga) दरम्यान, अदानींना कर्ज पुरवठा करणाऱ्या एसबीआय (SBI) आणि एलआयसी (LIC) या कंपन्या देखील टेन्सनमध्ये आल्या आहेत.
अदानी समूहाविरोधात काँग्रेस आक्रमक
दरम्यान, आता अदानी समूहाविरोधात काँग्रेस आक्रमक झाली असून, आज देशभर गौतम अदानीविरोधात आंदोलन करण्यात येणार असून, अदानींनी कर्ज देणाऱ्या एसबीआय (SBI) आणि एलआयसी (LIC) या कंपन्यांच्या कार्यालया समोर काँग्रेस देशभर आंदोलन करणार आहे. नियमांचे उल्लंघन करुन तसेच नियमबाह्य पद्धतीने अदानींना कर्ज दिले आहे, असा आरोप काँग्रेसनं केला आहे. त्यामुळं याची चौकशी व्हावी अशी मागणी काँग्रेसनं केली आहे. दरम्यान, याचे आज संसदत देखील पडसाद उमटण्याची शक्यता आहे. आता अदानी समूहाविरोधात काँग्रेस आक्रमक झाली असून, आज देशभर गौतम अदानीविरोधात आंदोलन करण्यात येणार आहे.
LIC आणि SBI च्या गुंतवणुकीबाबत सोडलं मौन
एका वाहिनीला दिलेल्या मुलाखतीत अर्थमंत्री निर्मला सीतारमण यांनी सांगितलं की, भारतीय बँकींग सिस्टीम चांगल्या स्थितीमध्ये आहे. लोकांनी घाबरण्याची गरज नाही. एसबीआय आणि एलआयसी दोन्हीची अदानी समूहातील गुंतवणूक मर्यादेच्या आत आहे. बँक आणि एलआयसी दोन्ही नफ्यामध्ये आहे. गुंतवणूकदारांनी चिंता करण्याची गरज नाही. एसबीआय आणि एलआयसी या दोघांनीही या प्रकरणी संपूर्ण माहितीसह आपली भूमिका मांडली आहे. दोघांनीही सांगितले आहे की, ग्रुपमध्ये त्यांचा एक्सपोजर विहित मर्यादेच्या आत आहे.
शेअर मार्केटमध्ये नक्की काय घडलं?
अमेरिकन शॉर्ट सेलर कंपनी हिंडनबर्ग रिसर्च यांच्या रिपोर्टनं गौतम अदानी यांचं साम्राज्यचं पूर्णपणे हादरलेलं आहे. अदानी ग्रुपच्या कंपनीचे शेअर्स विकण्यासाठी बाजारात मोठी घाई सुरु असल्याचं पाहायला मिळतंय. अदानी ग्रुपचे जास्तीचे शेअर्स हे लोअर सर्किटवर आहेत. अदानी ट्रान्समिशन, अदानी ग्रीन पॉ़वर, अदानी पॉवर, अदानी विल्मर आणि एनडीटीव्ही हे सगळे शेअर्स लोअर सर्किटमध्ये पाहायला मिळतायेत. अदानी एंटरप्रायजेसचा शेअर 1178 पर्यंत पोहचला आहे. शेअर्समध्ये 25 टक्क्यांनी घसरण झाली आहे.
