स्टील फॅक्टरीमध्ये भीषण स्फोट, दुर्घटनेत 22 कामगार जखमी (फोटो सौजन्य-X)
महाराष्ट्रातील वर्धा येथे एक मोठी दुर्घटना घडली आहे. वर्ध्यात स्टील फॅक्टरीत भीषण स्फोट झाल्याची घटना बुधवारी (7 नोव्हेंबर 2024) उशिरा घडली. या स्फोटात 22 कामगार जखमी झाले असून काहींची प्रकृती चिंताजनक आहे. जखमींना तात्काळ नजीकच्या रुग्णालयात उपचारासाठी दाखल करण्यात आले आहे. गंभीर जखमींना उपचारासाठी नागपूर येथील रुग्णालयात हलवण्यात आले.
घटनेची माहिती मिळताच अग्निशमन दल आणि प्रशासनाचे पथक घटनास्थळी दाखल झाले. त्यानंतर अग्निशमन दलाच्या पथकाने आग विझवण्यास सुरुवात केली. सध्या आग आटोक्यात आणण्यात आली आहे.
हे सुद्धा वाचा: ऐन निवडणुकीत बेरोजगार तरुणांच्या नावावर 10 ते 15 कोटींची रक्कम जमा, नेमकं काय प्रकरण?
वर्धा जिल्ह्यातील भूगाव येथील इव्होनिथ स्टील फॅक्टरीमध्ये ही स्फोटाची घटना घडली. कंपनीत मेटल ऑक्साईड आणि सिलिकॉन डायऑक्सइड यांचे मिश्रण असलेल्या स्लॅगच्या कूलिंग प्रक्रियेदरम्यान हा स्फोट झाल्याची माहिती मिळत आहे.
VIDEO | Maharashtra: Several workers were injured in a fire incident at a private steel company in Bhugaon, Wardha district on Wednesday. More details awaited. (Full video available on PTI Videos – https://t.co/n147TvrpG7) pic.twitter.com/oOC1hzz8jL — Press Trust of India (@PTI_News) November 7, 2024
मिळालेल्या माहितीनुसार, स्टील फॅक्टरी ही आग बुधवार (7 नोव्हेंबर) रात्री पूर्व महाराष्ट्रातील वर्धा जिल्ह्यातील एका स्टील प्लांटमध्ये झालेल्या अपघातात किमान 22 कर्मचारी जखमी झाले आहेत. नेहमीप्रमाणे सुमारे 22 कामगार येथे काम करत होते. त्यानंतर अचानक भट्टीत स्फोट झाला. या बॉयलरमधून आगीचे गोळे निघाल्याने हे गोळे लागलेले कामगार चांगलेच जळून खाक झाले आणि काही वेळातच अग्निशमन कंपनीने संपूर्ण संकुलाला वेढले. त्यामुळे आगीच्या ज्वाळा दूरवर दिसत होत्या.
Wardha, Maharashtra | 16 workers were injured after a fire broke out at Bhugaon steel Company in Wardha district. All the injured have been admitted to the hospital for treatment. One of them is in critical condition. The fire has been brought under control. An inquiry has been… — ANI (@ANI) November 6, 2024
याप्रकरणी पोलिसांनी सांगितले की, भूगाव लिंक रोडवरील इव्होनिथ स्टील प्लांटच्या भट्टी परिसरात मेटल ऑक्साईड आणि सिलिकॉन डायऑक्साइडचे स्लॅग मिश्रण थंड करण्याची प्रक्रिया सुरू असताना ही घटना घडली. स्टील फक्त स्टील स्लॅगपासून बनवले जाते. वितळलेल्या स्टीलला अशुद्धतेपासून वेगळे केल्यानंतर स्टील स्लॅग तयार होतो. पोलिसांनी सांगितले की, बहुतांश कामगार भाजले असून त्यांना रुग्णालयात दाखल करण्यात आले आहे. त्यानंतर तिघांना उपचारासाठी ७६ किलोमीटर अंतरावर असलेल्या नागपूरला पाठवण्यात आले.
हे सुद्धा वाचा: मतदानाच्या दिवशी मुंबईत कामगारांना पगारी सुट्टी द्या, अन्यथा…, आयुक्तांचे निर्देश पत्रक जारी
