Wardha News : शालार्थ आयडी प्रकरणाने शिक्षण विभागात पुन्हा खळबळ उडाली आहे. वर्धा जिल्ह्यातील १३ शिक्षक व शिक्षकेत्तर कर्मचाऱ्यांच्या नियुक्त्यांची चौकशी होणार असून ऑक्टोबरच्या दुसऱ्या आठवड्यापासून सुनावणी सुरू होणार आहे.
Wardha News : अहिल्यादेवी होळकर शेतकरी कर्जमुक्ती योजनेंतर्गत वर्धा जिल्ह्यातील ४३ हजार ७९९ शेतकऱ्यांच्या याद्या पोर्टलवर अपलोड करण्यात आल्या आहेत. पात्र शेतकऱ्यांनी आधार प्रमाणीकरण आणि ई-केवायसी पूर्ण करण्याचे आवाहन प्रशासनाने केले आहे.
Wardha News : सणासुदीच्या काळात वर्धा जिल्ह्यातविविध खादय पदार्थ व मिठाईची भेसळ रोखण्यासाठी अन्न औषधी प्रशासन विभागाने देखील कंबर कसली आहे. वर्धा जिल्ह्यात ऑगस्ट महिन्यात ५९ आस्थापनांची तपासणी करण्यात आली आहे. ३५ जणांना नोटीस बजावण्यात आली.
Wardha News : म्हसाळा येथे झालेल्या जनसंवाद उपक्रमात पालकमंत्री डॉ. पंकज भोयर यांनी वर्धेसह शहरालगतच्या ग्रामपंचायतींच्या विकासासाठी विविध निधीतून आवश्यक सुविधा उभारण्याचे आश्वासन दिले. यावेळी ग्रामस्थांकडून विविध मागण्यांची तब्बल १०० निवेदने प्राप्त झाली.
Wardha News : वर्धा जिल्ह्यातील हिरापूर आणि पांढुर्णा येथील दोन शासकीय आदिवासी आश्रमशाळांमध्ये क्षमतेच्या तुलनेत विद्यार्थीसंख्या मोठ्या प्रमाणात कमी आहे. १२०० विद्यार्थ्यांची क्षमता असलेल्या या शाळांमध्ये सध्या केवळ ७१३ विद्यार्थी आहेत.
Wardha News : वर्धा जिल्ह्यातील औद्योगिक विकासाला चालना देण्यासाठी आयोजित गुंतवणूक परिषदेत ५३ उद्योग समूहांशी तब्बल ३,०११ कोटी रुपयांचे सामंजस्य करार करण्यात आले. या गुंतवणुकीमुळे स्थानिक पातळीवर रोजगाराच्या नव्या संधी निर्माण होतील, असा विश्वास उद्योगमंत्री उदय सामंत यांनी व्यक्त केला.
Wardha News ; वर्धा जिल्ह्यातील औद्योगिक विकासाला चालना देण्यासाठी एमआयडीसीतील रिक्त भूखंडांचा प्रभावी वापर करण्याचे निर्देश उद्योगमंत्री उदय सामंत यांनी दिले. उद्योग सुरू न करणाऱ्या भूखंडधारकांची ए, बी आणि सी श्रेणीत वर्गवारी करून नियमानुसार कार्यवाही करण्याच्या सूचनाही त्यांनी दिल्या.
आष्टी शहरातील तालुका क्रीडा संकुलात मूलभूत सुविधांचा अभाव असल्याने खेळाडू आणि नागरिकांची गैरसोय होत असल्याची तक्रार आहे. पाणी, स्वच्छतागृह, धावण्याचा ट्रॅक आणि कबड्डी-खो-खोच्या मैदानांची मागणी होत आहे.
Wardha News : वर्ध्यात खाद्य सुरक्षा नियमांचे उल्लंघन करणाऱ्या दोन प्रतिष्ठानांवर एफडीएने कारवाई केली. ब्लिंक कॉमर्स आणि कांचन फूड्सचा परवाना पुढील आदेशापर्यंत निलंबित करण्यात आला असून ११,३९४ किलो खाद्यसाठा जप्त करण्यात आला आहे.
अमरावतीतील नवजात बालकांच्या मृत्यूच्या घटनेनंतर वर्धा जिल्हा रुग्णालयातील एसएनसीयूच्या सुविधांचा प्रश्न ऐरणीवर आला आहे. विभागात केवळ एक व्हेंटिलेटर असून मनुष्यबळाअभावी गंभीर बालकांना सेवाग्राम आणि सावंगी येथील वैद्यकीय महाविद्यालयात रेफर केले जात असल्याची माहिती आहे.
हिंगणघाटमध्ये स्मार्ट मीटरविरोधात राष्ट्रवादी काँग्रेसकडून मोर्चा काढण्यात आला. आमदार रोहित पवार यांनी स्मार्ट मीटरच्या मुद्द्यावरून राज्य सरकारवर जोरदार टीका केली.
वर्धा जिल्ह्यातील प्रधानमंत्री उज्ज्वला योजनेच्या ९,१२१ लाभार्थ्यांनी अद्याप ई-केवायसी पूर्ण केलेली नाही. २३ ऑगस्ट अंतिम मुदत असताना ई-केवायसी न झाल्याने अनुदानाच्या लाभावर परिणाम होण्याची शक्यता आहे.
वर्धा जिल्ह्यात खरीप हंगामातील सोयाबीन आणि कपाशी पिकांवर विविध किडींचा प्रादुर्भाव दिसून येत आहे. ढगाळ वातावरण आणि पावसाचा खंड यामुळे पिकांच्या वाढीवर परिणाम होत असून शेतकऱ्यांची चिंता वाढली आहे.
