Sand Mafia Maharashtra
छगन नागोराव कुडमेथे, कैलास शंकर हामन, संजय किसन धुर्वे, अनिल काळुराम माने आणि विनोद मिरलवार अशी आरोपींची नावे आहेत. या सर्वांनी पिकअप वाहनातून रेती घेऊन उमरखेड येथे चोरटी वाहतूक केल्याची माहिती पोलिसांना मिळाल्यानंतर तत्काळ पथक तयार करण्यात आले. त्यानुसार ढोकी बसथांब्याजवळ सापळा रचून वाहन पकडण्यात आले.
या प्रकरणी वाहन व त्यावरील रेती असा एकूण तीन लाख दहा हजार रुपयांचा मुद्देमाल जप्त करण्यात आला आहे. यवतमाळ जिल्ह्यात अवैध रेती उत्खनन आणि वाहतूक ही गंभीर समस्या बनली असून प्रशासनाने वारंवार कारवाईचे आदेश दिले आहेत. तरीही काही व्यक्ती रात्रीच्या वेळी रेतीची चोरटी वाहतूक करीत असल्याचे समोर येत आहे.
दरम्यान, याच दिवशी उमरखेड तालुक्यात तुळजाभवानी ढाब्याजवळ देखील रेतीची अवैध वाहतूक करणारे एक वाहन पोलिसांनी पकडले. यावेळी चालक शेख रियाज शेख आयुब (रा. जाकीर हुसेन वॉर्ड, उमरखेड) याच्याविरुद्ध उमरखेड पोलिस ठाण्यात गुन्हा दाखल करण्यात आला आहे. पोलिस कर्मचारी मुसळे यांनी या संदर्भात तक्रार दाखल केली असून, पुढील तपास सुरू आहे.
पोलिस सूत्रांच्या माहितीनुसार, अवैध रेती वाहतूक रोखण्यासाठी विशेष मोहीम राबविण्यात येत आहे. नदीकाठच्या परिसरात रात्री गस्त वाढविण्यात आली असून, रेती माफियांवर नियंत्रण ठेवण्यासाठी विशेष पथकही तैनात करण्यात आले आहे.
अवैध रेती वाहतूक केल्यास संबंधितांवर कठोर कारवाई केली जाईल, असा इशारा पांढरकवडा पोलिसांनी दिला आहे. या कारवाईमुळे परिसरातील अवैध रेती व्यावसायिकांमध्ये भीतीचे वातावरण निर्माण झाले आहे.
FAQs
1) उमरखेडमध्ये काय घडले?
उमरखेड येथील तुळजाभवानी ढाब्याजवळ रेती वाहतूक करणारे दुसरे वाहन पकडले गेले आणि चालक शेख रियाज शेख आयुब याच्यावर गुन्हा दाखल झाला.
2) अवैध रेती वाहतूक केल्यास काय कारवाई होईल?
संबंधितांवर कठोर कारवाई केली जाईल, तसेच वाहन आणि रेती जप्त करण्यात येईल, असा इशारा पोलिसांनी दिला आहे.
3) या कारवाईत काय जप्त करण्यात आले?
पिकअप वाहन आणि रेती मिळून सुमारे ३ लाख १० हजार रुपयांचा मुद्देमाल पोलिसांनी जप्त केला आहे.
.png "Videos"){kind=small}
