मानसी सुरेश Instagram
नेमकं घडलं काय ?
मानसी सोशल मीडियावर कायमच सक्रिय असते. ती सतत कोणते ना कोणते फोटो पोस्च करत असते. अशातच तिच्या वेस्टर्न आउटफिटवरुन तिला एका नेटकऱ्याने टोमणे मारले. त्यावर मानसीने देखील सडेतोड उत्तर दिलं. एक काळ होता मावश्या साड्या मध्ये दिसायच्या आणि लाड करायच्या, खाऊ घालायच्या आणि आजचा Trend Modern मावश्या, असं म्हणत एका युजरने तिला तिच्या कपड्यावरुन सुनावलं. या अशा कमेंला दुर्लक्ष न करता मानसीने या नेटकऱ्याला समाचार घेतला.
काय म्हणाली मानसी ?
युजरच्या कमेंटला रिप्लाय देताना मानसी म्हणते की, एक काळ असा होता, जिथे पुरुष पांढरा सदरा आणि डोक्यावर पांढरी टोपी घालून फिरायचे आता तुम्ही शर्ट पॅन्ट मध्ये का दिसता हो ?एक काळ पुरुष शेतात राबायचा तुम्ही कंपनी मध्ये जॉब का करताय ?एका काळात पुरुष बाई चा खूप आदर करायचा आणि तुमचे विचार बघा, कपड्यांवरून तुम्ही मुलींना judge करणार ?कोण आहात कोण तुम्ही ?आणि राहिला प्रश्न साड्यांचा आम्हाला साडी मध्ये पण लढता येत आणि शॉर्ट्स मध्ये सुद्धा. आता कंमेंट delete करायची नाही हा, असं म्हणत ट्रोल करणाऱ्यांचं तोंड तिने बंद केलं.
मानसी पुढे असं देखील म्हणते की, आम्ही ट्रोलिंगला दुर्लक्ष करतो याचा अर्थ आम्ही वाचत नाही असं नाही. आणि प्रत्येक ट्रोलिंगकडे दुर्लक्ष देखील केलं जाणार नाही. कधी ना कधी कुठलाही कलाकर कायमच या ट्रोलिंगच्या त्रासातून जात असतो. याचा परिणाम म्हणजे कलाकारांच्या वैयक्तिक आयुष्यावर देखील याचा वाईट परिणाम होतो. याआधी देखील अभिनेत्री सोनाली कुलकर्णीने देखील एका मुलाखतीत सांगितलं होतं की, तिला एक जण म्हणालं की, तुझं वय झालं हे आता चेहऱ्यावर दिसून येत आहे, ही कमेंट सर्वात जास्त त्रासदायक असल्याचं देखील सोनालीने सांगितलं होतं. एकंदरितच सेलिब्रिटींना कायमच ट्रोल केलं जातं.
