उपमुख्यमंत्री अजित पवार यांनी सूरज चव्हाणच्या घराची केली पाहणी; म्हणाले, “कुठेही कसूर राहता कामा नये…”

अजित पवार यांनी सूरजला घर बांधून देण्याचे जाहीर केले होते. त्यावेळी सूरजने, दादांनी गरिबाच्या पोराला मदत केली, घराचं स्वप्न पूर्ण केलं. त्यासाठी मी त्यांचा आभारी आहे, अशी प्रतिक्रिया सूरजने दिली होती. आता त्यानंतर उपमुख्यमंत्री अजित पवार यांचा बारामती दौरा आहे. या दौऱ्यादरम्यान त्यांनी सूरज चव्हाणच्या घराची पाहणी केली. यावेळी त्यांनी कामामध्ये कुठेही कसूर राहता कामा नये, कामाची गुणवत्ता चांगलीच असली पाहिजे, असंही बांधकाम व्यावसायिकाला त्यांनी सांगितलं.

६० वर्षीय आमिर खानने धरला नव्या प्रियेसीचा हात; कोण आहे गौरी स्प्रेट? Video Viral

अजित पवार यांनी आपल्या एक्स पोस्टमध्ये लिहिले की, “बिग बॉस मराठीचा विजेता, बारामतीचा सुपुत्र सूरज चव्हाणच्या नवीन घराच्या चालू बांधकामाची पाहणी केली. कामात कुठेही कसूर राहता कामा नये, कामाची गुणवत्ता चांगलीच असली पाहिजे, अशा सूचना संबंधितांना दिल्या.” या पोस्टमध्ये काही फोटोदेखील पाहायला मिळत आहेत. या फोटोंमध्ये अजित पवार घराच्या बांधकामाची पाहणी करताना दिसत आहेत. तसेच काही फोटोंमध्ये ते उपस्थितांशी संवाद साधत असल्याचे दिसत आहे.

गेल्या काही दिवसांपासून सूरज चव्हाण त्याच्या पहिल्या वहिल्या चित्रपटामुळे मोठ्या चर्चेत आहे. येत्या २५ एप्रिलला ‘झापूक झुपूक’ चित्रपट प्रेक्षकांच्या भेटीला येणार आहे. या चित्रपटाचा ट्रेलरही प्रेक्षकांच्या भेटीला आला. चित्रपटात सूरज चव्हाण एका वेगळ्या भूमिकेत पाहायला मिळत आहे. केदार शिंदे दिग्दर्शित चित्रपटात सूरज चव्हाणसह पुष्कराज चिरपुटकर, मिलिंद गवळी, जुई भागवत हे कलाकारदेखील मुख्य भूमिकांत दिसत आहेत. ‘बिग बॉस मराठी ५’ मध्ये जसे सूरजला प्रेक्षकांचे प्रेम मिळाले, त्याप्रमाणेच त्याच्या या नवीन चित्रपटाला प्रतिसाद मिळणार का, हे पाहणे महत्त्वाचे ठरणार आहे.

Hit 3 Trailer: नानीच्या क्राइम थ्रिलर चित्रपट ‘हिट ३’ च्या ट्रेलरबाबत समोर आले अपडेट, कधी होणार प्रदर्शित?

संबंधित बातम्या