Akshay Kumar मालामाल, दुप्पट किंमतीत विकला मुंबईतला फ्लॅट; किंमत ऐकूण व्हाल थक्क...
अक्षय कुमार त्याच्या चित्रपट आणि अभिनयासोबतच आपल्या सामाजिक कार्यातूनही चाहत्यांची मने जिंकतो. गेल्या महिन्यात त्यांनी अयोध्येतील माकडांच्या काळजीसाठी अंजनेय सेवा ट्रस्टला कोट्यवधी रुपयांची देणगी दिली होती. यासंदर्भात आता अभिनेत्याने एक व्हिडिओ शेअर केला आहे. त्यासोबत लिहिले आहे, ‘एक छोटासा प्रयत्न’. हा व्हिडीओ पाहून अभिनेता पुन्हा एकदा चर्चेत आला आहे. तसेच चाहते पुन्हा एकदा खिलाडी कुमारच कौतुक करताना दिसत आहेत.
केळी, गूळ आणि हरभरा माकडांना खायला दिला जातो
अक्षय कुमारने अयोध्येतील ऐतिहासिक राम मंदिराच्या उभारणीसाठी करोडो रुपयांची देणगी दिली आहे. यानंतर ते भगवान श्रीरामाच्या नगरातील माकडांची काळजी घेण्यासाठी पुढे आले. गेल्या महिन्यात त्यांनी अयोध्येतील माकडांच्या सेवेसाठी 1 कोटी रुपयांची देणगी दिली, जेणेकरून माकडांना अन्न आणि सेवा देता येईल. अक्षय कुमारने ही देणगी अंजनेय सेवा ट्रस्टला दिली. या उपक्रमांतर्गत ट्रस्टतर्फे माकडांना हरभरा, गूळ आणि केळी खाऊ घातली जात आहे, त्याची एक सुंदर झलक अक्षय कुमारने व्हिडिओद्वारे शेअर केली आहे.
View this post on Instagram
माकडांचे पोषण आणि स्वच्छतेची काळजी घेणे
अक्षय कुमारने त्याच्या अधिकृत इंस्टाग्राम अकाउंटवरून एक व्हिडिओ शेअर केला आहे. यामध्ये माकडांना केळी, गूळ, हरभरा आदी खाऊ घातला जात आहे. यासोबत व्हिडिओमध्ये लिहिले आहे की, ‘पवित्र धार्मिक नगरी अयोध्येत माकडांची संख्या झपाट्याने वाढत आहे. येथे येणाऱ्या पर्यटकांवर हल्ले होऊ नयेत किंवा त्यांना कोणतीही अडचण येऊ नये, यासाठी त्यांना अन्न देण्याची गरजही वाढली आहे. काही बदल करण्याची वेळ आली आहे. अयोध्येतील माकडांना दररोज स्वच्छ आणि पौष्टिक अन्न मिळावे यासाठी आम्ही अंजनेय सेवा ट्रस्टसोबत हा उपक्रम सुरू केला.
आधी आई, आता लेक… ‘पुष्पा २’च्या चेंगराचेंगरीत जखमी मुलगा ब्रेन डेड
माकडांसह गायीची सेवा
व्हिडिओमध्ये पुढे म्हटले आहे की, ‘स्वच्छता आणि सुरक्षिततेला प्राधान्य आहे. त्यानंतर केळीची साले गायीला खायला दिली जातात. केळीच्या लागवडीत शेणखताचा वापर केला जातो. व्हिडिओमध्ये दिलेल्या माहितीनुसार, गायींसोबतच अयोध्येत दररोज 1250 हून अधिक माकडांना अन्न दिले जात आहे. या व्हिडीओने प्रेक्षकांचं मन जिंकले आहे. यासोबतच आता अभिनेता अक्षय कुमारचे भरभरून कौतुक होताना दिसत आहे.
